മാപ്പിളയും റഷ്യൻ കർഷകനും

താനൂർ രാജാവ് മാർഗം കൂടി 

മാപ്പിള ലഹള കർഷക കലാപമാണെന്ന കണ്ടെത്തൽ അബനി മുക്കർജിയുടേതോ അദ്ദേഹത്തെ പിന്തുടർന്ന മാർക്സിസ്റ്റ് ചരിത്രകാരന്മാരുടേതോ അല്ല .അത് മലബാറിൽ ബ്രിട്ടീഷ് കലക്ടറായിരുന്ന വില്യം ലോഗന്റേതാണ്.1921 ന് മുൻപുള്ള മാപ്പിള ലഹളകൾ അദ്ദേഹം നിരത്തിയതാണ്,എല്ലാ ചരിത്രകാരന്മാരും പകർത്തിയത്.

ടിപ്പു സുൽത്താനെയും സാമൂതിരിയേയും വരുതിക്ക് നിർത്തിയ കമ്പനി,1792 മെയ് 27 ന് കുറുമ്പ്രനാട് രാജാവ് വീരവർമ്മ രാജാവുമായി ഉടമ്പടി ഒപ്പിട്ടു.സാമൂതിരി പിടിച്ചെടുത്തിരുന്ന കുറുമ്പ്രനാട്,കൊളക്കാട് പ്രദേശങ്ങൾ തിരിച്ചുകൊടുത്ത് വർമ്മയെ കമ്പനിയുടെ മാനേജരായി നിയമിച്ചു.140000 രൂപ പാട്ടത്തിനാണ് ഇവ കൊടുത്തത്.

വില്യം ലോഗൻ 

ഇനി 1887 ൽ ലോഗൻ  എഴുതിയ 'മലബാർ മാന്വലി'ൽ നിന്ന്,ലഹളയുടെ കാരണം അദ്ദേഹം പറയുന്നത് ഉദ്ധരിക്കട്ടെ:
"അതിനിടയിൽ ഉപഭൂഖണ്ഡത്തിൻറെ മറുഭാഗത്ത് നടത്തിയ യുദ്ധത്തിൽ,മദിരാശി ഗവർണർ ജനറൽ മെഡോസ്,മലബാർ രാജാക്കന്മാരുടെ മേൽ തിരുവിതാംകൂർ നടത്തിയ മേൽക്കോയ്മാധികാരം അനുവദിച്ചു കൊടുത്തതായി ബോംബെ കമ്മിഷണർമാർ മനസ്സിലാക്കി.ഈ അടിസ്ഥാനത്തിൽ,തിരുവിതാംകൂർ ദിവാനായ കേശവ പിള്ള കമ്പനിയുടെ പേരിലും യുദ്ധച്ചെലവുകൾ നിർവഹിക്കാനെന്ന ന്യായത്തിലും 1790 ,1791 വർഷങ്ങളിൽ മലബാറിൻറെ റവന്യു വരുമാനങ്ങളിൽ നിന്ന് പല ഘട്ടങ്ങളായി പിടിപ്പത്‌ തുക പിരിച്ചു കൊണ്ട് പോവുകയും ചെയ്തിരുന്നു.ഇങ്ങനെ പിടിച്ച തുക,തിരുവിതാംകൂറിൽ നിന്ന്ഈടാക്കുന്ന കാര്യം കമ്മിഷണർമാർ സുദീർഘമായി ചർച്ച ചെയ്തുവെങ്കിലും,അന്തിമ തീരുമാനം ഗവർണർ ജനറലിന് വിട്ടു കൊടുത്തു.

"ഇതേ കാലത്താണ്,മാപ്പിള -നായർ സമുദായങ്ങൾ തമ്മിലുള്ള സ്പർദ്ധ പുതുതായി പൊട്ടിപ്പുറപ്പെട്ടത്.ഇരു വർഗ്ഗങ്ങളും ചിരപുരാതനമായി പുലർത്തിപ്പോന്ന സുഹൃദ് ബന്ധങ്ങൾ പൂർണമായും തകർന്നതിന്റെ ഫലമായി മാപ്പിള ജില്ലകളിലേക്ക് സമാധാന സ്ഥാപനത്തിനായി മേജർ ഡൗ നിയോഗിക്കപ്പെട്ടു.നായർ ജന്മിമാരുടെ ഖണ്ഡനങ്ങൾക്ക് ഇരയായ മാപ്പിള വർഗ്ഗത്തിൻറെ കൊണ്ടോട്ടി വിഭാഗത്തിന് സംരക്ഷണം ഉറപ്പു ചെയ്തു കൊണ്ട് ഒരു വിളംബരം പുറത്തു വന്നു".
(മാന്വൽ,പേജ് 529,മലയാള പരിഭാഷ ).

എന്നാൽ ഇതിന് മുൻപേ നായർ ലഹളകൾ നടന്നു.ഹൈദർ വന്ന് സാമൂതിരിയുടെ മതചര്യകൾ മുടക്കി, അദ്ദേഹം ആത്മാഹുതി ചെയ്തതിന് പിന്നാലെയായിരുന്നു,ആദ്യ നായർ ലഹള.

1766 ജനുവരി 28 ന് ഹൈദറുടെ സേന കടത്തനാടേക്ക് കടക്കാൻ ശ്രമിക്കുമ്പോൾ അവസാനമായി,നായർ പട്ടാളം എതിർത്തു.പെരിങ്കുളത്തിനടുത്ത് മാഹിപ്പുഴ കടക്കാൻ എത്തിയ മൈസൂർ സേനയെ പുഴയ്ക്കക്കരെ നിന്നാണ് എതിർത്തത്.അവരുടേത് ഭദ്രമായ നില ആയതിനാൽ ഹൈദർ തന്ത്രം പ്രയോഗിച്ചു.നായർപട്ടാളത്തിനെതിരെ പുഴ നീന്താനുള്ള തയ്യാറെടുടുപ്പിൽ കാലാൾപ്പടയെ നിർത്തി.അവർ നീന്തുമ്പോൾ സംഹരിക്കാൻ നായന്മാർ കാത്തു.അകലെ കുതിരപ്പട്ടാളത്തെ ഒരുക്കി ഹൈദർ പുഴയിലൂടെ കുതിരകളെ പായിച്ച് മറുകര കടന്നു.നായന്മാർ ഓടി.കുതിരപ്പട്ടാളത്തെ ആദ്യമായി കണ്ടിടത്തൊക്കെ ഇത് നടന്നതായി സർദാർ കെ എം പണിക്കർ എഴുതിയത്.അവർ പല ദിവസങ്ങളിൽ നിർത്താതെ ഓടി.മാപ്പിളമാർ അവരോട് അരിശം തീർത്തു.നാട് വിജനമായി.

സാമൂതിരി ഹൈദറെ സന്ധിച്ച് കുടിശ്ശിക സഹിതം കപ്പം തീർക്കാമെന്ന് വാക്ക് നൽകി.ഹൈദർ വിശ്വസിച്ചില്ല.കോഴിക്കോട് വലയം ചെയ്യാൻ അറയ്ക്കൽ അലിയെ നിയോഗിച്ചു.തുക രൊക്കം നൽകാനാകാത്ത സാമൂതിരിയെ ഭീഷണിപ്പെടുത്തി.കൊട്ടാരം ആക്രമിച്ചത് മാനഹാനിയായി.അപ്പോഴാണ് മാനാഞ്ചിറ കോട്ടയിലെ വെടിമരുന്നുശാലയ്ക്ക് തീ കൊളുത്തി അദ്ദേഹം വെന്തുമരിച്ചു.അത് മലബാർ ഹിന്ദുക്കളെ വേദനയിൽ ദഹിപ്പിച്ചു.സാമൂതിരിയെ കൊന്ന് ഹൈദർ കേരളത്തിൽ ഇസ്ലാമിക വർഗീയതയ്ക്ക് തീ കൊളുത്തി.ആത്മാഹുതി ചെയ്തില്ലെങ്കിൽ സാമൂതിരിയെ മാർഗം കൂട്ടുമായിരുന്നു.കേരളത്തിൽ ക്രൈസ്തവ വർഗീയതയ്ക്ക് വിത്തിട്ട ഫ്രാൻസിസ് സേവ്യറുടെ കാലത്ത് താനൂർ രാജാവിനെ മതം മാറ്റിയിരുന്നു;സാമൂതിരിയുടെ ഒരു അനന്തരവൻ ക്രിസ്ത്യാനി ആയിരുന്നു.സാമൂതിരിക്ക് മുന്നിൽ ഇസ്ലാം അല്ലെങ്കിൽ മരണം എന്ന വഴിയേ ഉണ്ടായിരുന്നുള്ളു.

വെട്ടത്ത് നാടിൻറെ ആസ്ഥാനമായിരുന്നു,താനൂർ.വാസ്കോ ഡ ഗാമ വന്ന് മലബാറിൽ നിന്ന് പോർച്ചുഗലിലേക്കുള്ള കുരുമുളക് കയറ്റുമതി കൂട്ടുന്നതിൽ തോറ്റു.സൈനിക ശക്തിയിൽ കബ്രാൾ സാമൂതിരിയോട് തോറ്റു.കൊച്ചിയിൽ പോർച്ചുഗീസുകാർക്ക് താവളം കിട്ടി.സാമൂതിരി 1504 ൽ കൊടുങ്ങല്ലൂർ ആക്രമിച്ചു.വെട്ടത്തു നാട്,ചാലിയം,ബേപ്പൂർ രാജാക്കന്മാർക്ക് കൊച്ചിയുമായി കുടുംബ ബന്ധങ്ങൾ ഉണ്ടായിരുന്നതിനാൽ,സാമൂതിരിയുടെ കൊച്ചി യുദ്ധങ്ങൾ അവർക്ക് പിടിച്ചില്ല.താനൂർ രാജാവിൻറെ പൊന്നാനി,തിരൂർ താലൂക്കുകളിൽ,പൊന്നാനി തുറമുഖം തന്ത്ര പ്രധാനമായിരുന്നു.താനൂർ രാജാവ് പോർച്ചുഗീസുകാരുമായി ചേർന്നു.കപ്പൽ ചേതത്തിൽപെട്ട ചില പോർച്ചുഗീസുകാർക്ക് താനൂർ രാജാവ് വെട്ടത്തു കോയിൽ അഭയം നൽകി.അടുത്തകൊല്ലം താനൂർ കോട്ട പണിയാൻ ഡ കുഞ്ഞ സാമൂതിരിയുമായിസന്ധിയിലെത്തി.കോട്ടയ്ക്കുള്ള സാധനങ്ങൾ കപ്പൽ ചേതത്തിൽപെട്ടു.

വാസ്കോ ഡ ഗാമയും മാനവിക്രമനും 

പുതിയ സാമൂതിരി 1531 ൽ അധികാരമേറ്റു.ചാലിയം രാജാവ് ഉണ്ണിരാമന്‌ 2000 പർദോസും 50 % കസ്റ്റംസ് തീരുവയും വാഗ്ദാനം ചെയ്ത് താനൂർ രാജാവിൻറെ പ്രേരണയോടെ ഡ കുഞ്ഞ ചാലിയത്ത് കോട്ട പണിതു.20 പർദോസ് ഒരു ഇന്ത്യൻ രൂപ.അവിടെ സാന്താ മരിയ പള്ളിയും പണിതു.കോട്ടയും പള്ളിയും പണിതത്,മുസ്ലിം പള്ളികളുടെയും ശവക്കല്ലറകളുടെയും ബേപ്പൂർ കോവിലകത്തിന്റെയും കല്ലുകൾ കൊണ്ടായിരുന്നു.മുസ്ലിംകൾ സാമൂതിരിയോട് പരാതിപ്പെട്ടു.സാമൂതിരിക്ക് മേൽക്കോയ്മയുള്ളതിനാൽ,ചാലിയം രാജാവ് മനസ് മാറി പോർച്ചുഗീസുകാർക്ക് എതിരായി.താനൂർ മാറിയില്ല.

ജസ്വിറ്റ്‌ പാതിരിമാർ 1640 ൽ ഗോവയിൽ എത്തിയപ്പോൾ,പോർച്ചുഗീസുകാക്കൊപ്പം നിന്നു.ഫ്രാൻസിസ് സേവ്യറിനൊപ്പം ചേരാൻ 1548 ഒക്ടോബർ ഒൻപതിന് ഫാ അന്തോണിയോ ഗോമസ് ഗോവയിൽ എത്തി.പോർച്ചുഗലിലെ കുലീന കുടുംബത്തിൽപ്പെട്ട ഗോമസിന് ഇവിടത്തെ സവർണരെ മതം മാറ്റാനാകും എന്നു കരുതി.തടവിലായിരുന്ന ലോക്കു എന്ന കൊങ്കണിയെ മാർഗം കൂട്ടി.ബെൽജിയൻ ജസ്വിറ്റ്‌ ഫാ ഗാസ്പർ ബർസെൻസ് ഇടനിലക്കാരനായി.

ഗോമസും ഫ്രാൻസിസ് സേവ്യറും പിണങ്ങി.ഇന്ത്യയിൽ വേലയ്ക്ക് പറ്റിയവനല്ല ഗോമസ് എന്ന് സേവ്യർ നിരീക്ഷിച്ചു.അവിടത്തെ രജകുടുംബാംഗമായ ഗോമസ് അഹങ്കാരിയായിരുന്നു.മുതിർന്ന സേവ്യറെ അയാൾ അംഗീകരിച്ചില്ല.ഹെൻറിക് രാജാവിനെ കുമ്പസാരിപ്പിച്ചിരുന്നത് ഗോമസ് ആയിരുന്നു.

കൊച്ചി രാജാവ് മാർഗം കൂടാൻ വിസമ്മതിച്ചു.താൻ നോക്കാം എന്നായി താനൂർ രാജാവ്.താനുരിൽ ഒരു പാതിരി വന്ന് ക്രിസ്തുമതം പഠിപ്പിക്കണമെന്ന് താനൂർ അപേക്ഷിച്ചു.ഗോമസ് എത്തി.രാജാവ് രഹസ്യമായി 1548 ൽ ക്രിസ്ത്യാനിയായി.ഗോമസിനെ ഗോവയിൽ ആർക്കും വേണ്ടാത്തതിനാൽ,താനുരിലേക്ക് വിട്ടതാണ്.1548 ഏപ്രിൽ -സെപ്റ്റംബറിൽ ഗോമസ് താനൂരിൽ താമസിച്ച്,തെക്കോട്ടും യാത്ര ചെയ്തു.ബിഷപ് ജുവാൻ ഡി ആൽബുക്കർക്കാണ് ഗോമസിനെ അയച്ചത്.ഒക്ടോബർ 25 ന് ഗോമസ് പോർച്ചുഗൽ രാജാവ് ജൊവാവോ മൂന്നാമന് എഴുതി:

"ഇവിടത്തെ രാജാവിന് നല്ല വിവരവും വിവേകവുമുണ്ട്.മോക്ഷമാണ് അവിടുത്തെ ആഗ്രഹം."

അതായിരുന്നില്ല അദ്ദേഹത്തിൻറെ ആഗ്രഹം.സാമൂതിരിക്കെതിരെ പോർച്ചുഗീസ് സൈനിക പിന്തുണ വേണ്ടിയിരുന്നു.അതാണ് മതം മാറ്റം രഹസ്യമാക്കിയത്.ചാലിയം വികാരി ജൊവാവോ സോറസും ഫ്രാൻസിസ്കൻ പാതിരി ഡ ലാഗോ വിൻസെന്റസുമായിരുന്നു കാർമ്മികർ.രാജാവിൻറെ പേര് ഡോം ജൊവാവോ എന്ന് മാറ്റി.പൂണൂലിൽ ധരിക്കാൻ കുരിശു പതക്കം കൊടുത്തു.രാജ്ഞി ഡോണ മരിയ ആയി.ക്രിസ്ത്യൻ ആചാരപ്രകാരം വിവാഹം നടത്തി.പൂജാമുറിയിൽ യേശുവിൻറെ ചിത്രവും മറ്റ് ദൈവങ്ങൾക്കൊപ്പം വയ്ക്കാം എന്നായിരുന്നു ധാരണ.ഒന്നേ പറ്റു എന്ന് വന്നപ്പോൾ ധർമ്മസങ്കടത്തിലായി.ആദരവും ജാതിയും പോകരുത് എന്നായി രാജാവ്;അയാൾ പൂണൂലിട്ട ക്രിസ്ത്യാനിയായി.രാജാവിന് പൂണൂലിടാമോ എന്ന നിർണ്ണായക പ്രശ്‍നം,ഗോവ ഗവർണർ ജോർജ് കബ്രാളിനും പ്രത്യേക സമിതിക്കും വിട്ടു.

രാജാവിന് അനുകൂല തത്വങ്ങൾ ആൽബുക്കർക്ക് കണ്ടെത്തി.ബൈബിളിൽ അരിമത്യയിലെ ജോസഫ് അപ്പോസ്തലനായിരുന്നില്ല.യേശുവിൻറെ രഹസ്യ ശിഷ്യനായിരുന്നു.നിക്കോദേമസും ഗമാലിയേലും ശിഷ്യത്വം രഹസ്യമാക്കി വച്ചു.ജൂതന്മാരെ അവർ പേടിച്ചു.ഇവിടെ രാജാവ് സാമൂതിരിയേയും ജനത്തെയും പേടിക്കുന്നു.

ആൽബുക്കർക്ക്,രാജാവിനെ വിശുദ്ധ സെബസ്ത്യാനോസിനോട് ഉപമിച്ചു.ചക്രവർത്തിക്കൊപ്പം നിന്ന ക്രിസ്ത്യാനി.ഉള്ളിൽ ക്രിസ്ത്യാനി;പുറത്ത് മാടമ്പി.

ഇത് പറയുന്ന കത്ത് ആൽബുക്കർക്ക് 1549 ഒക്ടോബർ 20 ന് പോർച്ചുഗീസ് രാജ്ഞിക്ക് അയച്ചു.

താനൂർ രാജാവിനെതിരെ കലഹം പൊട്ടിപ്പുറപ്പെട്ടു.രഹസ്യ ചർച്ചകൾ നടന്നു.രാജാവ് ഗോവയ്ക്ക് പോകാൻ ഒരുമ്പെട്ടു.രാജാവിന് സാമൂതിരി പൊന്നാനിക്കടുത്ത് കുറെ സ്ഥലം വിട്ടുകൊടുക്കാമെന്ന് വാഗ്ദാനം ചെയ്‌തു.ആ ചൂണ്ടയിൽ കൊത്തിയില്ല.രാജാവിനെ സാമൂതിരി കണ്ണൂരിലെ മാടായി  ക്ഷേത്രത്തിൽ തടവുകാരനാക്കി.അവിടന്ന് രക്ഷപ്പെടുത്തി പോർച്ചുഗീസുകാർ ഗോവയ്ക്ക് കൊണ്ട് പോയി.ഒക്ടോബർ 24 ന് ഗോവയിലെത്തിയ രാജാവ്,ക്രിസ്ത്യൻ സ്ഥാനവസ്ത്രമണിഞ്ഞ് റൂവ ദിറെയ്‌ത കൊട്ടാരത്തിൽ നിന്ന് പള്ളിയിലേക്ക് ഘോഷയാത്ര നയിച്ചു.താനുർക്ക് 27 ന് മടങ്ങി അമ്മയെയും മകനെയും സ്നാനപ്പെടുത്തി.കൂടുതൽ പേരെ മതം മാറ്റി പള്ളി പണിതു.

പോർച്ചുഗീസുകാർ സമ്മാനങ്ങൾ കൊണ്ട് മൂടി.രാജ്യം വീണ്ടെടുത്ത് കൊടുത്തു.അപ്പോൾ മട്ട് മാറി.സ്ഥാനവസ്ത്രം കീറി എറിഞ്ഞു.
കേരളത്തിലെ ആദ്യ ഘർവാപസി ഇതായിരുന്നില്ല.ഒൻപതാം നൂറ്റാണ്ടിൽ ശൈവസിദ്ധൻ മാണിക്യ വാസകർ മധുരയിൽ നിന്ന്,ഇവിടെയെത്തി,മാർഗം കൂടി സുറിയാനി ക്രിസ്ത്യാനികളായ മണിഗ്രാമം എന്ന കച്ചവട സംഘത്തെ ഹിന്ദു മതത്തിലേക്ക് തീരിച്ചു കൊണ്ട് വന്നു.ഈ സംഘത്തിന് പെരുമാൾ കൊടുത്തതാണ് തരിസാപ്പള്ളി ശാസനം-എ ഡി 849.തിരിച്ചു വന്നവരാണ്,മണിയാണി നായന്മാർ.

താനൂർ രാജാവ് പറ്റിച്ചെങ്കിലും,1598 ൽ സാമൂതിരിയുടെ അനന്തരവനെ മതം മാറ്റി.

ഇതാണ് മലബാറിൽ ക്രിസ്തു മതം വേരാഴ്ത്താൻ ശ്രമിച്ച ആരംഭ കഥ.

ജോർജ് കബ്രാൾ 

ഹൈദറിലേക്ക് മടങ്ങാം.

1766 ഏപ്രിലിൽ കൊച്ചിക്കപ്പുറം മലബാർ മുഴുവൻ ഹൈദറിന് കീഴിലായി.കാലവർഷം തുടങ്ങാറായതിനാൽ ഗവർണറായി മാദണ്ണയെ വച്ചു.റവന്യു ഉദ്യോഗസ്ഥനായിരുന്നു.കാലവർഷം വന്നപ്പോഴായിരുന്നു,നായർ ലഹള.ഓടിയവർ സംഘടിതരായി തിരിച്ചു വന്നു.സാമൂതിരി താവഴിയിലെ രവിവർമ്മ നേതാവായി.മാദണ്ണ ഭൂനികുതി സംവിധാനത്തിന് ഏർപ്പാട് തുടങ്ങിയതാണ്,കാരണം.സയ്യദ് റാസായുടെ 3000 വരുന്ന കാലാൾപ്പടയെ മഴയിൽ ഇവർ ദ്രോഹിച്ചു.ജൂണിൽ താൽക്കാലിക കോട്ടകൾ കൈവശപ്പെടുത്തി.മഴ കാര്യമാക്കാതെ ഹൈദർ മടങ്ങിയെത്തി.ജീനിയില്ലാതെ പോരാടാൻ കുതിരപ്പട്ടാളത്തോട് നിർദേശിച്ചു.പുതിയങ്ങാടിയിൽ നായർ സേനയെ നേരിട്ടു.ഒരു കിടങ്ങിന് മറുവശമായിരുന്നു നായർ സേന.ഡച്ചുകാരനായ സൈന്യാധിപൻ എം ലാലിയുടെ നേതൃത്വത്തിൽ മൈസൂർ സേനയിലെ ഒരു വിഭാഗം കിടങ്ങിൽ ചാടി മറുപുറം എത്തിയത് നായർസേനയെ സ്തംഭിപ്പിച്ചു.ഫലം കൂട്ടക്കശാപ്പായിരുന്നു.ഹൈദർ സേനാംഗങ്ങൾക്ക് കൂടുതൽ കൂലി വാഗ്ദാനം ചെയ്തിരുന്നു.യുദ്ധത്തിന് പിന്നാലെ ഹൈദർ വേട്ട തുടങ്ങി.തടവിലായ നായർ യോദ്ധാക്കളിൽ 15000 പേരെ മൈസൂരിൽ വിജനപ്രദേശങ്ങളിൽ കൊണ്ട് പോയി അലയാൻ വിട്ടു.200 പേർ ശേഷിച്ചു.

ഇതിൽ ഹൈദറിൻറെ രാഷ്ട്രീയം ലോഗൻ കാണുന്നു.നായർ സമുദായത്തെ അധികാരത്തിൽ നിന്ന് നീക്കുന്ന സാമൂഹിക എഞ്ചിനീറിങ്.അധഃസ്ഥിതർ ഇതിൽ ആഹ്ലാദിക്കുമെന്ന് ഹൈദർ കണക്ക് കൂട്ടി.നായന്മാർ മേലാൽ വാൾ ധരിക്കരുതെന്ന് ഹൈദർ ഉത്തരവിട്ടു.ആർക്കും അവരെ കൊല്ലാം.കീഴ്ജാതിക്കാർ നായന്മാരെ കണ്ടാൽ വന്ദിക്കരുത്.കീഴ്ജാതിക്കാരെ നായന്മാർ വന്ദിക്കണമെന്ന് ഹൈദർ തിട്ടൂരമിറക്കി.

ഇതിൽ പി കെ ബാലകൃഷ്ണൻ.'ടിപ്പു സുൽത്താൻ' എന്ന പുസ്തകത്തിൽ ആഹ്ലാദം പ്രകടിപ്പിക്കുന്നത്,ജാതീയമായ അധമ ബോധം കൊണ്ടാണ്.നായർ വാൾ ധരിക്കരുത് എന്ന് ഹൈദറിന് പറയാം -ശത്രുവിന് ആയുധം വേണ്ട.കീഴ്ജാതിക്കാരെ കൊണ്ട് വന്ദിപ്പിച്ചതും തെറ്റായതിനാൽ നിർത്താം.പക്ഷെ അതിനെ തിരിച്ചു വന്ദിപ്പിക്കുക എന്ന തെറ്റ് കൊണ്ടല്ല നേരിടേണ്ടത്.ഇത്,ദളിതൻ പൊലീസ് സ്റ്റേഷനിൽ ബ്രാഹ്മണനെ മർദിച്ച ശേഷം കുളിക്കാൻ അഞ്ചു രൂപ കൊടുക്കും പോലെ അധമമാണ്.

പി കെ ബാലകൃഷ്ണൻ 

ഈ നിർദേശങ്ങൾ ആരും ഗൗനിച്ചില്ല.കടത്തനാടൻ പാരമ്പര്യത്തിൽ തീയ പോരാളികളുമുണ്ട്.അവരും വാൾ കൊണ്ട് നടന്നു.ഇസ്ലാം അധിനിവേശത്തിൽ ഹിന്ദു നാടുകൾ വിജനമായപ്പോഴാണ്,കാടൻ നിർദേശങ്ങൾ വന്നത്.നായർ സമുദായത്തോടുള്ള അടങ്ങാത്ത ഹൈദറുടെ പകയാണ്,പിൽക്കാല മാപ്പിള ലഹളകളിലും പ്രതിഫലിച്ചത്.ധർമ്മരാജ രാമവർമയെ,രാമൻ നായർ എന്ന് ടിപ്പു വിശേഷിപ്പിച്ചതിൽ നിന്ന് കാണുന്നത്,ഹിന്ദു സമുദായത്തെയാണ്,നായർ എന്ന് കണ്ടത് എന്നാണ്.

പൊതുവെ മനുഷ്യർ കാർഷിക വൃത്തി കൊണ്ട് കഴിഞ്ഞു കൂടിയ കാലത്ത്,പോരാടുന്നവൻ കൃഷിക്കാരനായിരിക്കും.അത് കൊണ്ട് പോരാട്ടം വർഗ സമരമാവില്ല.ലെനിൻ മലബാറിലെ കർഷക കലാപത്തിൽ ആകൃഷ്ടനായതും  അബനി മുക്കർജി റിപ്പോർട്ട് കൊടുത്തതും നിഷ്കളങ്കമല്ല.മാപ്പിള ലഹള നടക്കുമ്പോൾ,ഏകാധിപതിയായ ലെനിൻ,കമ്മ്യൂണിസ്റ്റ് ഭരണത്തിൽ,മലബാറോളം വലിപ്പമുള്ള തംബോവിൽ കർഷക കലാപം അടിച്ചമർത്തുകയായിരുന്നു.

ലെനിൻ തൊഴിലാളികളെ വെടിവച്ചു കൊന്നു,ഫാക്ടറികൾ പൂട്ടി.ഫാക്റ്ററികൾക്ക് വേണ്ട അസംസ്‌കൃത വസ്‌തുക്കൾ,ലെനിൻ ഉയർത്തിയ ഭീകരത കാരണം കിട്ടിയില്ല.സമ്പദ് രംഗം താറുമാറായി.1921 ഫെബ്രുവരിയിൽ ലെനിൻ സുഹൃത്ത് ഗ്ളെബ് കിർഷിഷാനോവ്‌സ്‌കിക്ക് എഴുതി:
"നാം യാചകരായി;പട്ടിണിയിൽ നാം അനാഥരായ പിച്ചക്കാരായി".

അലക്‌സാണ്ടർ ഷ്ല്യാപ്നിക്കോവും അലക്‌സാൻഡ്ര കൊലോന്റെയും നേതൃത്വം നൽകിയ ' തൊഴിലാളി പ്രതിപക്ഷം',ഫാക്റ്ററികൾ തൊഴിലാളികൾക്ക് കൊടുക്കുക എന്ന മുദ്രാവാക്യം ഉയർത്തി.

നടക്കാത്ത ഒക്ടോബർ വിപ്ലവത്തെപ്പറ്റിയാണ്,' ലോകത്തെ പിടിച്ചു കുലുക്കിയ പത്തു ദിവസങ്ങൾ എന്ന വ്യാജ നിർമിതി അമേരിക്കൻ പത്ര പ്രവർത്തകൻ ജോൺ റീഡ് ലോകത്തിന് നൽകിയത്.ലോകത്തെ ഇന്നും പിടിച്ചു കുലുക്കുന്ന നാല് സംഭവങ്ങൾ ലെനിൻറെ ദുർഭരണത്തിൽ നടന്നു.പോളണ്ടുമായുള്ള യുദ്ധം,തംബോവ്  കലാപം,ക്രോൺസ്റ്റാറ്റ് കലാപം,1921 -22 ലെ ക്ഷാമം.ഇതിൽ തംബോവ് കർഷക കലാപത്തെപ്പറ്റി മാത്രം പറയാം.

ആഭ്യന്തരയുദ്ധ കാലത്ത്,റഷ്യയിൽ 1920 -21 ൽ ഉണ്ടായ,ലോകത്തിലെ ഏറ്റവും വലിയ കർഷക കലാപം.ഇതിൽ 1,40,000 പേർ കൊല്ലപ്പെട്ടു.
മോസ്‌കോയിൽ നിന്ന് 300 മൈൽ തെക്കുകിഴക്ക് തംബോവ് ഒബ്ലാസ്റ്റ്,വോറൊനേഷ് ഒബ്ലാസ്റ്റ് ,മേഖലയിൽ ആണ് ഇതുണ്ടായത്.സോഷ്യലിസ്റ്റ് റവലൂഷനറി പാർട്ടി നേതാവായ അലക്‌സാണ്ടർ ആന്റോനോവ് ആണ് നേതൃത്വം നൽകിയത്.ആന്റോനോവ് ലഹള എന്നും അറിയപ്പെടുന്നു.

ലെനിൻ ഭരണം ഏറിയതോടെ,ബോൾഷെവിക്കുകൾ അധിക ധാന്യം പിടിച്ചെടുക്കൽ ( Prodrazryorstka ) നയം നടപ്പാക്കി.ഒരു മേഖലയിലെ കർഷകർ ഉൽപാദിപ്പിക്കുന്ന ധാന്യം,കാർഷിക ഉൽപന്നങ്ങൾ എന്നിവയിൽ,വീട്ടാവശ്യത്തിനുള്ളതു കഴിച്ച്,ബാക്കി നഗര വിതരണത്തിനായി ചെറിയ തുക നൽകി പിടിച്ചെടുക്കുന്ന പരിപാടി ആയിരുന്നു,ഇത്.തംബോവിൻറെ ക്വോട്ട 1.8 കോടിയിൽ നിന്ന് 2 .7 കോടി പൂഡ്‌സ് ആയി ഉയർത്തി.ഒരു പൂഡ്‌സ് 16 .38 കിലോ.
ഇതിൽ രോഷാകുലരായ കർഷകർ 1920 ഓഗസ്റ്റ് 19 ന് ഖിട്രോവോയിൽ കലാപം തുടങ്ങി.ജനത്തിന് മുന്നിൽ,കാരണവന്മാരെ തല്ലി റെഡ് ആർമി ധാന്യം പിടിച്ചതായിരുന്നു,പ്രകോപനം.തംബോവ് കർഷകർ യൂണിയൻ ഉണ്ടാക്കി സ്വന്തമായി കോൺഗ്രസ് വിളിച്ചുകൂട്ടി സോവിയറ്റ് അധികാരത്തെ നിരാകരിച്ചു;സ്വന്തമായി നിയമ നിർമാണ സഭ ഉണ്ടാക്കി.സഭ,പ്രായപൂർത്തി വോട്ടവകാശവും ഭൂപരിഷ്കരണവും പ്രഖ്യാപിച്ചു.ഭൂമി മുഴുവൻ കർഷകർക്ക് വിട്ടു നൽകുകയായിരുന്നു,ഉന്നം.

ആന്റോനോവ് ( നടുവിൽ )

കലാപകാരികളായ കർഷകരുടെ എണ്ണം 1920 ഒക്ടോബറിൽ 50000 ആയിരുന്നു.ഇവർക്കൊപ്പം റെഡ് ആർമിയിൽ നിന്ന് വിരമിച്ച ഭടന്മാരും ചേർന്നു,ഇക്കൂട്ടർ സോവിയറ്റ് രഹസ്യ പൊലീസ് ആയ ചേക യിൽ നുഴഞ്ഞു കയറി.70000 വരുന്ന കലാപകാരികളെ റെഡ് ആർമി,അതിൻറെ മേധാവി മിഖയിൽ തുഖാചേവ്സ്കിയുടെ നേതൃത്വത്തിൽ നേരിട്ടു.ബോൾഷെവിക്കുകൾ കർഷകർക്ക് നേരെ രാസായുധങ്ങൾ പ്രയോഗിച്ചു.ഏഴു ഉന്മൂലന ക്യാമ്പുകൾ ഭരണകൂടം തുറന്നു.1921 ഫെബ്രുവരി രണ്ടിന് ഭരണകൂടം ധാന്യം പിടിക്കൽ നിർത്തി .അന്റോനോവിനെ 1922 ൽ കൊന്നു.പത്താം കോൺഗ്രസിന് മുൻപ് ഈ മേഖലയിൽ,നികുതി ( Prodnalog ) ഏർപ്പെടുത്തി.കോൺഗ്രസ് ഈ നയം അംഗീകരിച്ചു.

കർഷകരായ കലാപകാരികളെ ബോൾഷെവിക്കുകൾ,കാട്ടുകള്ളന്മാർ എന്ന് വിളിച്ചു.കലാപ കാലത്ത്,കസാൻ മൊണാസ്ട്രിയുടെ വിന്റർ ചർച്,പ്രാദേശിക ചേക ആസ്ഥാനമാക്കി.അത് തംബോവ് സൈനിക കമ്മിസാരിയറ്റിന്റെ ആർകൈവ്സ് ആയി.1933 ൽ പ്രാദേശിക ഭരണകൂടം കലാപ രേഖകൾക്ക് തീയിട്ടു.തീ നിയന്ത്രണാതീതമായപ്പോൾ,വെള്ളമൊഴിച്ചു ;മണ്ണ് വിതറി.അൾത്താരയിൽ തീയിട്ടില്ല.അതിനാൽ,1982 ൽ കുറെ രേഖകൾ കിട്ടി.

തംബോവിലെ പാർട്ടി മേധാവി അലക്‌സാണ്ടർ ഷ്ലിക്റ്റർ ,ലെനിനെ നേരിട്ട് വിളിച്ച ശേഷമാണ്,പട്ടാളത്തെ അയച്ചത്.

കലാപത്തെ ആധാരമാക്കി,2011 ൽ ആൻഡ്രി സ്മിർനോവ് Once Upon a time there Lived a Simple Woman എന്ന സിനിമയെടുത്തു.അലക്‌സാണ്ടർ സോൾഷെനിത്സിൻറെ Apricot Jam and Other Stories ൽ യൗവനത്തിൽ കലാപകാരികളെ നേരിട്ട ജനറലിന്റെ കഥയുണ്ട്.

കെ എൻ പണിക്കരാദികൾ മാപ്പിള ലഹളയെ കണ്ട പോലെ,ലെനിൻ അവിടത്തെ കർഷക കലാപത്തെ വർഗ സമരമായി കണ്ടില്ല.സായുധ കലാപം സഖാവിന് അരാജകത്വം ആയിരുന്നു.മാർക്സിസ്റ്റും അധികാരമേറിയാൽ,ബ്രിട്ടീഷ് സാമ്രാജ്യത്വ വാദിയെപ്പോലെ ക്രമസമാധാന പ്രശ്‍നം അടിച്ചമർത്തും.അത് കൊണ്ടാണ്,1957 ൽ ഇ എം എസ് സർക്കാർ മൂന്നാറിലും ചന്ദനത്തോപ്പിലും തൊഴിലാളികളെ വെടിവച്ചത്.
--------------------------------------------
Reference:
1.കേരള സ്വാതന്ത്ര്യ സമരം / കെ എം പണിക്കർ 
2.Frederick Price / Ootcamund: A  History 
3.The King of Tanur in the Malabar Coast and the Indo-Portuguese Trade in the 16 th Century/K S Mathew,Journal of Kerala Studies,Vol 10
4.ടിപ്പു സുൽത്താൻ / പി കെ ബാലകൃഷ്ണൻ 


See https://hamletram.blogspot.com/2019/11/blog-post_13.html

ടിപ്പുവിൻറെ വരവും പോക്കും

ഇസ്ലാം ഇവിടെ വേരുറപ്പിക്കുന്നു  

ഹൈദരാലിയുടെയും മകൻ ടിപ്പുവിന്റെയും ആധിനിവേശം മലബാറിൽ മാത്രം ആയിരുന്നു എന്നാണ് പൊതു ധാരണ.അത് ശരിയല്ല.കൊച്ചി കീഴ്പ്പെടുത്തിയ ശേഷമാണ് ഹൈദർ മലബാർ ശ്രദ്ധിച്ചത്.എല്ലാ വിദേശ ശക്തികൾക്കും വഴങ്ങിയ പോലെ കൊച്ചി മൈസൂരിന്റെ മേൽക്കോയ്മ 1766 ൽ അംഗീകരിച്ചു.നാല് ലക്ഷം രൂപയും പത്ത് ആനയുമായിരുന്നു, കൊച്ചിയുടെ പ്രതിവർഷ കപ്പം.1790 വരെ കൊച്ചി ഹൈദറുടെയും ടിപ്പുവിന്റെയും വെറും സാമന്ത രാജ്യമായിരുന്നു.തിരുവിതാംകൂർ അവരുടെ ശത്രു  രാജ്യവും.തിരുവിതാംകൂറിന് നിശ്ചയിച്ച കപ്പം 15 ലക്ഷവും 30 ആനയും.ഹൈദർ മലബാർ വിടുകയും കോലത്തിരിയെ മടക്കി കൊണ്ട് വരികയും ചെയ്താൽ കപ്പം കൊടുക്കാമെന്ന് പറഞ്ഞ് ധർമ്മരാജ ഉഴപ്പി.സാമൂതിരി കൊടുത്ത കപ്പം 12 ലക്ഷം രൂപ.

അക്കാലം കൊച്ചി വരെ  ഇസ്ലാം അധിനിവേശത്തിൽ ആയിരുന്നു.
കോഴിക്കോടിനടുത്ത ഫറൂക്കാബാദ് ആയിരുന്നു,നമ്മുടെ തലസ്ഥാനം-.ഇന്നത്തെ ഫറോക്ക്.

ഹൈദറുടെ വരവ് തടയാൻ തിരുവിതാംകൂറും കൊച്ചിയും ചേർന്ന് 1757 -1962 ൽ ധർമരാജയുടെ മുൻകൈയിൽ കൊച്ചിക്ക് വടക്ക് നെടുംകോട്ട പണിതു.കൊടുങ്ങല്ലൂരിന് മുകളിൽ പശ്ചിമ തീരത്ത് കൃഷ്ണൻ കോട്ട മുതൽ പശ്ചിമ ഘട്ടത്തിൽ ആനമല വരെ,20 അടി 48 കിലോമീറ്റർ നീളമാണ് കോട്ടയ്ക്ക്.12 അടി ഉയരം.അന്നത്തെ ചാലക്കുടി താലൂക്കിൽ പശ്ചിമ തീരത്ത് പെരിയാറിനോട് ചേർന്ന് ചാലക്കുടി വരെ.പിന്നെ ചാലക്കുടി പുഴയോട് ചേർന്ന് കിഴക്ക്ആനമല വരെ.ഇതിന് വടക്ക് സാമൂതിരിയുടെ മേഖല.ഇതിൻറെ ഭൂഗർഭ അറകളിൽ വെടിക്കോപ്പ് സൂക്ഷിച്ചു.ഭടന്മാർക്ക് പ്രത്യേക മുറികൾ.കാവൽപ്പുരകൾ,പീരങ്കികൾ.കോട്ടയ്ക്ക് വടക്ക് 20 അടി വീതീയും 16 അടി താഴ്ചയുമുള്ള കിടങ്ങുകൾ കുഴിച്ചു.അതിനുള്ളിൽ മുൾ ചെടികൾ,വിഷപ്പാമ്പുകൾ.തെക്കും കോട്ടയ്ക്ക് മേലും സൈനിക നീക്കത്തിന് പാതകൾ ഉണ്ടാക്കി.കോട്ടയ്ക്ക് കളിമണ്ണും ചെളിയും ഉപയോഗിച്ചു.

ഹൈദരാലി 

ദിവാൻ അയ്യപ്പൻ മാർത്താണ്ഡൻ പിള്ളയും ഡച്ച് ക്യാപ്റ്റൻ യൂസ്റ്റേഷ്യസ് ഡിലനോയിയും കോട്ട പണിക്ക് മേൽനോട്ടം വഹിച്ചു.1741 ഓഗസ്റ്റ് 12 ന് കുളച്ചൽ യുദ്ധത്തിൽ ഡച്ച് സേനയെ തിരുവിതാംകൂർ തോൽപിച്ച ശേഷം,മാർത്താണ്ഡ വർമ്മ ഡിലനോയിയെ തിരുവിതാംകൂർ സൈന്യാധിപൻ ആക്കിയിരുന്നു.ചൈനയിലെ വൻമതിൽ ആയിരുന്നു മാതൃക.നെടുംകോട്ടയുടെ സംരക്ഷണത്തിലാണ് ആലുവയിൽ ടിപ്പു സുൽത്താന്റെ സേനയെ രാജാ കേശവദാസൻറെ നേതൃത്വത്തിലുള്ള ചെറിയ തിരുവിതാംകൂർ സേന നേരിട്ടത്.ഇന്ന് കോട്ടയുടെ അവശിഷ്ടങ്ങളില്ല.കൃഷ്ണൻ കോട്ട,കോട്ടമുക്ക്,കോട്ടമുറി,കോട്ടപ്പറമ്പ്,കോട്ടവഴി,പാളയം തുടങ്ങിയ സ്ഥലനാമങ്ങളാണ്,അവശിഷ്ടങ്ങൾ.ചാലക്കുടിക്കടുത്ത് മുരിങ്ങുർ കോട്ടമുറിയിൽ ദേശീയ പാത 47 നെടുങ്കോട്ടയെ പിളർന്നു.

കൊച്ചിയെ ഹൈദർ ആക്രമിച്ച് 24 വർഷത്തിന് ശേഷം ടിപ്പു കൊച്ചിയും തിരുവിതാംകൂറും പിടിക്കാനെത്തി.1789 ഡിസംബർ 31 ന് ടിപ്പു നെടുങ്കോട്ട ആക്രമിച്ച് സൈനിക നിരയെ ഭേദിച്ചു.വൈക്കം പത്മനാഭ പിള്ളയുടെ 20 അംഗ തിരുവിതാംകൂർ സേന അവിടെയുണ്ടായിരുന്നു.പിൻവാങ്ങിയ ടിപ്പു വീണ്ടും കൂടുതൽ സേനയുമായി എത്തി നെടുംകോട്ടക്കിപ്പുറം എത്തി.കുനൂരിലോ കോട്ടമുറിയിലോ നെടുങ്കോട്ടയുടെ മതിൽ തകർത്തു.കിടങ്ങുകൾ നികത്തി മുന്നേറി.ക്ഷേത്രങ്ങൾ നശിപ്പിച്ചു.ആലുവ പെരിയാർ കരയിൽ എത്തി താവളമടിച്ചു.'പ്രപഞ്ചത്തിൻറെ അവ്യവസ്ഥയോർത്ത് പെരിഞ്ചക്കോടൻ ഒരന്തക ചാട്ടം ചാടി " എന്ന് സി വി രാമൻ പിള്ള വിവരിച്ച അവസ്ഥയിൽ,പത്മനാഭ പിള്ളയും കാളികുട്ടി  പിള്ളയും നീന്തി പുലർച്ചെ പെരിയാറിന്റെ കരഭിത്തി തകർത്തു..പെരിയാറിൽ വെള്ളം ഉയർന്നു.ഘോര പേമാരി പെയ്തു.കാലം തെറ്റി വന്ന തുലാവർഷം ആകാം.മാർക്സിസ്റ്റ് അല്ലാത്തവർക്ക് പ്രപഞ്ച] നീതിയുടെ കുത്തൊഴുക്കായി കാണാം.ടിപ്പുവിന്റെ വെടിമരുന്ന് കുതിർന്ന് ഉപായോഗമില്ലാതായി.അയാൾ മടങ്ങി .ശ്രീരംഗപട്ടണം ബ്രിട്ടീഷുകാർ ആക്രമിക്കാൻ പദ്ധതിയിടുന്ന വിവരവും പിന്മാറ്റത്തിന് കാരണമായി.

മലബാറിലെ മൈസൂർ പടയോട്ടം 1766 -1792 ൽ ആയിരുന്നു.ഇന്ത്യ സമുദ്ര തുറമുഖങ്ങൾ കൈവശപ്പെടുത്തുക ലക്ഷ്യമായിരുന്നു.ഇതിൻറെ ഫലം,മലബാറിലെ ചെറു രാജ്യങ്ങൾ ബ്രിട്ടൻറെ വരുതിയിലാവുക എന്നതായിരുന്നു.ത്രിരുവിതാംകൂർ പേടിച്ച് ബ്രിട്ടൻറെ സംരക്ഷിത രാജ്യവുമായി.

നെടുംകോട്ട കവാട അവശിഷ്ടം 

വിജയനഗര സാമ്രാജ്യവും മുഗൾ വംശവും തകർന്നപ്പോഴാണ്,വൊഡയാർ കുടുംബം മൈസൂരിൽ ഉയർന്നത്.1761 ൽ ഭരണം അവരുടെ സേനയിലെ ഹൈദരാലിയുടെ കയ്യിലായി.ബേദനൂർ ( ഇക്കേരി,കെലാടി),സുന്ദ,സേറ ,കാനറ ഒക്കെ കീഴടക്കി.1766 ൽ ചിറയ്ക്കൽ ( കോലത്തുനാട് ),കോട്ടയം,കടത്തനാട്,കോഴിക്കോട്,വള്ളുവനാട്,പാലക്കാട് എന്നിവ കീഴടക്കി.തിരുവിതാംകൂറിനെ ടിപ്പു ആക്രമിക്കാൻ നടത്തിയ അവസാന ശ്രമം മൂന്നാം ആംഗ്ലോ -മൈസൂർ യുദ്ധത്തിൽ കലാശിച്ചു.1792 ലെ ശ്രീരംഗപട്ടണം ഉടമ്പടി വഴി ടിപ്പുവിൻറെ രാജ്യത്തിൻറെ പകുതി ബ്രിട്ടന് കിട്ടി.3 .3 കോടി രൂപ നഷ്ടപരിഹാരം  കൊടുക്കേണ്ടി വന്നു.1801 ൽ വെല്ലസ്ലി മലബാറും കാനറയും ചേർത്ത് മദ്രാസ് പ്രസിഡൻസിയുണ്ടാക്കി.പേടിച്ചരണ്ട തിരുവിതാംകൂറിനോട് മൂന്നാം ആംഗ്ലോ -മൈസൂർ യുദ്ധത്തിൻറെ ചെലവ് വഹിക്കാൻ കമ്പനി ആവശ്യപ്പെട്ടു.തിരുവിതാംകൂറിനെ സംരക്ഷിക്കാൻ നടത്തിയ യുദ്ധം എന്ന് കമ്പനി അവകാശപ്പെട്ടു.1795 ഉടമ്പടി വഴി,അത് വരെ സഖ്യ രാജ്യമായിരുന്ന തിരുവിതാംകൂർ സംരക്ഷിത രാജ്യമായി.ബ്രിട്ടീഷ് സുരക്ഷാ സേനയെ ചുമക്കാൻ രാജാവ് നിർബന്ധിതനായി.അതിനുള്ള പണം കുടിശ്ശികയായി.കമ്പനിക്ക് കുരുമുളക് കുത്തക കിട്ടി.

ഇങ്ങനെയാണ് നാം ദരിദ്രവാസികൾ ആയത്.

ഹൈദർ 1766 ൽ മംഗലാപുരം വഴി മലബാറിൽ എത്തിയത്,12000 കാലാൾപ്പട,പീരങ്കികൾ അടങ്ങിയ 4000 പേരടങ്ങിയ കവചിത സേന എന്നിവയുമായാണ്.അറബിക്കടലിനോട് ഒരു തുറമുഖം അയാൾക്ക് അത്യാവശ്യമായിരുന്നു.ബ്രിട്ടനെതിരെ ഫ്രാൻസിൽ നിന്ന് വരുന്ന ആയുധങ്ങൾ ഇറക്കേണ്ടിയിരുന്നു.കോലത്തിരിയെ തോൽപിച്ചപ്പോൾ,മാഹി കിട്ടി.അത് ഫ്രഞ്ച് അധീനത്തിൽ ആയിരുന്നു.

കോലത്തിരിയുമായി ഇടഞ്ഞു നിന്ന അറയ്ക്കൽ അലി,കൊട്ടാരം തീവച്ചു.കോലത്തിരി രാജാവ് ബ്രിട്ടീഷ് തലശ്ശേരിക്കോട്ടയിൽ അഭയം തേടി.കോലത്തു നാടിന് ശേഷം,നാടൻ മുസ്ലിം സഹായത്തോടെ ഹൈദർ കോട്ടയം കീഴടക്കി.കടത്തനാട് പ്രതിരോധമുണ്ടായപ്പോൾ അതിനെ അക്രമം വഴി നേരിട്ടു.കോഴിക്കോട് രക്തരൂഷിത യുദ്ധത്തിൽ പിടിച്ച അയാൾ അവിടന്ന് കൊള്ളയടിച്ച വൻ തുകയുമായി,കോയമ്പത്തൂർക്ക് പോയി.അറയ്ക്കൽ അലിയെപുതിയ മലബാർ പ്രവിശ്യയുടെ പട്ടാള ഗവർണറാക്കി.മുത്തണ്ണയായി,ഗവർണർ.

ഡിലനോയ് മാർത്താണ്ഡവർമ്മയ്ക്ക് കീഴടങ്ങുന്നു 

ഹൈദറുടെ സൈനിക മേധാവി റാസ അലി കോയമ്പത്തൂർക്ക് മടങ്ങിയപ്പോൾ,കാട്ടിൽ ഒളിച്ചിരുന്ന ഹിന്ദു കലാപകാരികൾ മഴക്കാലത്ത് പുറത്തെത്തി പഴയ കോട്ടകൾ പിടിച്ചു.ചില പ്രദേശങ്ങളും കൈയടക്കി.1766 ജൂണിൽ ഹൈദർ മടങ്ങിയെത്തി പട്ടാളത്തെ കലാപകാരികൾക്കെതിരെ അഴിച്ചു വിട്ടു.നായർ പോരാളികൾ നിരവധി മരിച്ചു വീണു.15000 നായന്മാരെ കാനറയ്ക്ക് നാട് കടത്തി.അതിൽ 200 പേരെ ശേഷിച്ചുള്ളൂ എന്ന് ഗസറ്റിയർ പറയുന്നു.താനൂരിലെ പുതിയങ്ങാടിയിൽ ( വെട്ടത്തുനാട് ) നിർണായക പോരാട്ടത്തിൽ ഹിന്ദുക്കൾ തോറ്റു.നൂറുകണക്കിന് ഹിന്ദു കലാപകാരികൾ വീണ്ടും കാട്ടിൽ ഒളിച്ചു.

പിടിയിലായ പോരാളികളെ കൊന്നു.നിരവധിപ്പേരെ മൈസൂർ മലകളിലേക്ക് നാട് കടത്തി.ഇനി കലാപം ഉണ്ടാകാതിരിക്കാൻ നായർ വിരുദ്ധ നിയമങ്ങൾ ഹൈദർ ഇറക്കി.നായർ മാടമ്പികൾക്ക് അധിക നികുതി ചുമത്തി.
തെക്കൻ മലബാറിൽ നിന്ന് ഇളയ ഏറാൾപ്പാട് മൈസൂർ സേനക്കെതിരെ പോരാട്ടം തുടർന്നു.നിരന്തര കലാപങ്ങളിൽ വശംകെട്ട ഹൈദർ പല സ്ഥലങ്ങളും ഹിന്ദു ഭരണാധികാരികൾക്ക് വിട്ടു കൊടുത്തു.അവ സാമന്ത രാജ്യങ്ങളായി.കോലത്തുനാടും പാലക്കാടും തന്ത്ര പ്രധാനമാകയാൽ,ഹൈദർ നേരിട്ട് ഭരിച്ചു.

മൈസൂരിന് കീഴിൽ കൊച്ചി,മലബാർ 

തിരുവിതാംകൂർ 1767 ൽ കീഴടക്കാനുള്ള മൈസൂർ ശ്രമം വിജയിച്ചില്ല.വടക്കൻ മലബാറിൽ ഇതേ വർഷം 4000 പേരടങ്ങിയ മൈസൂർ സേനക്കെതിരെ കലാപകരികൾ ഉണർന്നു.2000 വരുന്ന കോട്ടയം നായർ പട മൈസൂർ സേനയെ തുരത്തി.വെടിക്കോപ്പുകൾ കൊള്ള ചെയ്തു.മൈസൂർ സേനാ നീക്കത്തെ തടഞ്ഞു;താവളങ്ങൾ ആക്രമിച്ചു.അടുത്ത കൊല്ലം ക്യാപ്റ്റൻ തോമസ് ഹെൻറിയുടെ നേതൃത്വത്തിൽ ബ്രിട്ടീഷ് സേന ബത്തേരി കോട്ട ( ആവറക്കോട്ട ) പിടിച്ചു.അറയ്ക്കലേക്കുള്ള ആയുധ നീക്കം തടയുകയായിരുന്നു ലക്ഷ്യം.തുടർന്നുള്ള പോരാട്ടത്തിൽ ബ്രിട്ടീഷ് സേന തോറ്റു.1768 ൽ ഹിന്ദു കലാപങ്ങൾ അമർച്ച ചെയ്ത്,പാലക്കാട് കോട്ട പണിത്,മൈസൂർ സേന താൽക്കാലികമായി പിൻവാങ്ങി.കോലത്തു നാട് ഭരണം അറയ്ക്കലിന് കിട്ടി.അലിരാജയും ബ്രിട്ടീഷ് സേനയും പോരാട്ടം തുടർന്നു.1770 ൽ കമ്പനി രണ്ടുതറ തിരിച്ചു പിടിച്ചു.ഹിന്ദു ഭരണാധികാരികൾ കപ്പം കുടിശ്ശിക വരുത്തിയതിനാൽ,1773 ൽ താമരശ്ശേരി വഴി സയ്യദ് സാഹബിന്റെ നേതൃത്വത്തിൽ മൈസൂർ സേനയെത്തി;മലബാർ വീണ്ടും മൈസൂർ നുകത്തിൻ കീഴിൽ വന്നു.

കമ്പനി 1779 ൽ മാഹി പിടിച്ചതാണ് മലബാറിലെ മുസ്ലിം അധിനിവേശത്തിൽ വഴിത്തിരിവായത്.1780 ജൂലൈ രണ്ടിന് ഹൈദർ ബ്രിട്ടനെതിരെ യുദ്ധം പ്രഖ്യാപിച്ചു.1784 വരെ നീണ്ട രണ്ടാം ആംഗ്ലോ -മൈസൂർ യുദ്ധം തുടങ്ങി.1782 ഫെബ്രുവരിയോടെ ധർമ്മടം,കോഴിക്കോട്,പാലക്കാട് കോട്ടകൾ മേജർ അബിങ്‌ടൺ കീഴിലെ ബ്രിട്ടീഷ് സേനയ്ക് കീഴിലായി.വേനലിൽ മുംബൈയിൽ നിന്ന് കൂടുതൽ സേന തലശ്ശേരിയിലെത്തി.ഹൈദർ ടിപ്പുവിനെ മലബാറിലേക്ക് അയച്ചു.ആ സേന പൊന്നാനിയിൽ താവളം അടിച്ചു.

ടിപ്പു ആലുവയ്ക്കടുത്ത് നെടുംകോട്ടയിൽ 

നിരന്തര തോൽവികളിൽ വലഞ്ഞ ഹൈദർ,തെക്കു നിന്നുള്ള മൈസൂർ വിരുദ്ധ നീക്കങ്ങൾ ചെറുക്കാൻ മക്ദൂo അലിയുടെ സേനയെ മലബാറിലേക്ക് അയച്ചു.കോഴിക്കോട്ട് മേജർ അബിങ്ങ്ടണും കേണൽ തോമസ് ഫ്രഡറിക് ഹംബർസ്‌റ്റോണും,അലിയുടെ മുന്നേറ്റത്തെ തടയാൻ നിർദേശം കിട്ടി.തിരുരങ്ങാടി പോരാട്ടത്തിൽ അലിയും 400 ഭടന്മാരും കൊല്ലപ്പെട്ടു.മൈസൂർ സേനയെ ഹംബർസ്‌റ്റോൺ പൊന്നാനിക്ക് ഓടിച്ചു.പാലക്കാട് കോട്ട പിടിക്കേണ്ടിയിരുന്നു.പൊന്നാനിയിലെ മഴയിൽ ഹംബർസ്‌റ്റോൺ കോഴിക്കോട്ടേക്ക് പിൻവാങ്ങി.അവിടന്ന് തൃത്താലയിൽ എത്തി,മൈസൂർ -അറയ്ക്കൽ മിന്നൽ ആക്രമണം ഭയന്ന് പൊന്നാനിയിലേക്ക് മടങ്ങി.മേജർ മക്ലിയോഡ്ബ്രിട്ടീഷ്  മലബാർ സേനാധിപനായി പൊന്നാനിയിലെത്തി.ബ്രിട്ടീഷ് സേനയെ അവിടെ ആക്രമിച്ച ടിപ്പു,200 ഭടന്മാർ കൊല്ലപ്പെട്ട് പിന്മാറി.എഡ്‌വേഡ്‌ ഹ്യൂഗ്സിന്റെ നാവിക സേന അവിടെയെത്തി.മേജർ മാത്യൂസിൻറെ സേന മുംബൈയിൽ നിന്ന് പൊന്നാനിയിലെത്തി.

നിർണായക പോരാട്ടത്തിൻറെ ഈ വേദിയിലാണ് ടിപ്പു,ഹൈദർ മരിച്ച വിവരം അറിഞ്ഞത്.സിംഹാസനമേറാൻ അയാൾ മടങ്ങി.

ബ്രിട്ടൻ 1783 ൽ മംഗലാപുരം പിടിച്ചു.കേണൽ ഫുള്ളർട്ടനും സ്റ്റുവർട്ടും ചേർന്ന് 1783 നവംബർ 14 ന് പാലക്കാട് കോട്ട കീഴടക്കി.ലണ്ടനിൽ നിന്ന് നിർദേശം കിട്ടി ടിപ്പുവുമായി ബ്രിട്ടീഷ് സേന സന്ധി സംസാരിച്ചു.ഒരു സാമൂതിരി രാജകുമാരൻ ഈ നേരം പാലക്കാട്ടെത്തി കോട്ട വീണ്ടെടുത്തു.ടിപ്പുവിൻറെ സേനയെത്തി കോട്ടയും തെക്കൻ മലബാറും കാൽകീഴിലാക്കി.ഡിസംബറിൽ മക്ലിയോഡ്,ഫ്രഞ്ച് സഹായത്തോടെ കണ്ണൂർ,അറയ്ക്കലിൽ നിന്ന് വീണ്ടെടുത്തു.1784 മാർച്ച് 11 ൻ ബ്രിട്ടൻ ടിപ്പുവുമായി മംഗലാപുരം സന്ധി ഒപ്പിട്ടു.വടക്കൻ മലബാർ ബ്രിട്ടീഷ്,നായർ അധീനതയിൽ വന്നു.തെക്കൻ മലബാർ ടിപ്പുവിന് കിട്ടി.ഈ മേഖലയിലാണ് മാപ്പിള ലഹളകൾ അരങ്ങേറിയത്.

നിരവധി മുസ്ലിം വിരുദ്ധ കലാപങ്ങൾ,ഹിന്ദുക്കൾക്കെതിരെ ചുമത്തിയ പുത്തൻ നികുതികൾ കാരണം നടന്നു.ഭൂനികുതി പ്രശ്നങ്ങൾ തീർക്കാൻ ടിപ്പു,അർഷദ് ബേഗ് ഖാനെ മലബാർ ഗവർണറാക്കി.ഖാൻതാമസിയാതെ  പണി മടുത്ത് വിട വാങ്ങി ടിപ്പു തന്നെ സ്ഥലം നേരിട്ട് കാണണം എന്നപേക്ഷിച്ചു.1788 ൽ ടിപ്പു മലബാറിൽ എത്തി റെസിഡൻറ് ഗ്രിബിളിനെ കണ്ട് ബേപ്പൂരിനടുത്ത് പുതിയ നഗരം പണിയുന്ന കാര്യം ചർച്ച ചെയ്തു.

പാലക്കാട് കോട്ട 

കുറുങ്ങോത്ത് നായരെ കൊന്ന് 1787 ൽ ടിപ്പു ഇരുവഴിനാട് സ്വന്തമാക്കി.അതോടെ ഫ്രഞ്ചുകാർ ടിപ്പുവുമായി സഖ്യത്തിലായി.അറയ്ക്കൽ ബീവി ബ്രിട്ടനുമായി കൈകോർത്തു;കോലത്തിരി മൈസൂർ പാളയത്തിലെത്തി.കോലത്തിരി ബ്രിട്ടനിൽ നിന്ന് ധർമ്മടം,രണ്ടത്തറ എന്നിവ വീണ്ടെടുത്തു.1788 ൽ സാമൂതിരി കുടുംബത്തിലെ രവിവർമ്മ നായർ സേനയ്‌ക്കൊപ്പം കോഴിക്കോട്ടെത്തി ഭരണമേറ്റതായി പ്രഖ്യാപിച്ചു.ടിപ്പുവിൻറെ സേനാധിപൻ എം ലാലിയും മിർ അസർ അലി ഖാനും അവരെ തുരത്തി.ഈ ചെറിയ സംഘർഷത്തിനിടയിൽ,രവിവർമ്മ 30000 ബ്രാഹ്മണരെ തിരുവിതാംകൂറിലേക്ക് പലായനം ചെയ്യാൻ സഹായിച്ചു.1789 ൽ ടിപ്പു 60000 പേരടങ്ങിയ സേനയുമായി കോഴിക്കോട്ടേക്ക് മുന്നേറി കോട്ട തകർത്തു.നഗരം നശിപ്പിച്ചു.കോഴിക്കോട് വീണു.

കോയമ്പത്തൂരിൽ ടിപ്പു തടവിലാക്കിയിരുന്ന പരപ്പനാട് രാജാവ്,നിലമ്പുർ അധികാരി ത്രിച്ചേര തിരുമുല്പാട് തുടങ്ങി അനവധി ഹിന്ദു വരേണ്യരെ 1788 ഓഗസ്റ്റിൽ നിർബന്ധിച്ച് ഇസ്ലാമിലേക്ക് മാറ്റി.ചിറയ്ക്കൽ,പരപ്പനാട്,കോഴിക്കോട് രാജവംശങ്ങളിലെ സകല സ്ത്രീകളും നിരവധി പുരുഷന്മാരും തിരുവിതാംകൂറിൽ അഭയം തേടി.പുന്നത്തൂർ,നിലമ്പൂർ,കവളപ്പാറ,ആഴ്വാഞ്ചേരി തമ്പ്രാക്കൾ തുടങ്ങിയ സവർണ കുടുംബങ്ങളും പലായനം ചെയ്തു.ടിപ്പു വീണ ശേഷവും പലരും മടങ്ങിയില്ല.ഭീതി നിറഞ്ഞു നിന്നു.

തിരുവിതാംകൂറിനെ ടിപ്പു ആക്രമിക്കാൻ
മുതിർന്നത്,അവിടത്തെ തുറമുഖങ്ങൾ തന്ത്ര പ്രധാനം എന്ന് തോന്നിയിട്ടാണ്.1767 ൽ ഹൈദറിന് ആ സ്വപ്നം സഫലമാക്കാനായില്ല.രണ്ടാം ആംഗ്ലോ -മൈസൂർ യുദ്ധം കഴിഞ്ഞപ്പോൾ ടിപ്പു അതിന് പുറപ്പെട്ടു.1788 ൽ പരോക്ഷമായി രാജ്യം കീഴ്‌പ്പെടുത്താനുള്ള ശ്രമങ്ങൾ പൊളിഞ്ഞു.മദ്രാസ് ഗവർണർ ആർച്ചിബാൾഡ് കാംപ്ബെൽ,തിരുവിതാംകൂറിനെതിരായ ആക്രമണം ,ബ്രിട്ടനെതിരായ യുദ്ധപ്രഖ്യാപനം ആയിരിക്കുമെന്ന് ടിപ്പുവിനെ ഭീഷണിപ്പെടുത്തി.ആക്രമണത്തിന് അറയ്ക്കൽ രാജ ടിപ്പുവിനെ ക്ഷണിച്ചു.ടിപ്പു കൊച്ചിയുടെ സഹായം തേടി.കൊച്ചി വഴങ്ങിയില്ല.
ആക്രമണം പ്രതിരോധിക്കാൻ തിരുവിതാംകൂർ ഡച്ചുകാരിൽ നിന്ന് കൊടുങ്ങല്ലൂർ,പള്ളിപ്പുറം കോട്ടകൾ വാങ്ങി.മൈസൂർ അവകാശം ഉന്നയിച്ച കൊച്ചി പ്രദേശങ്ങളിലേക്ക് നെടുംകോട്ട നീട്ടി തിരുവിതാംകൂർ ടിപ്പുവിൻറെ രോഷം സമ്പാദിച്ചു.കർണാട്ടിക് നവാബ് വഴി കമ്പനിയെ തിരുവിതാംകൂർ ബന്ധപ്പെട്ടു.നെടുംകോട്ട ടിപ്പു ആക്രമിച്ചാൽ സഹായം പ്രതീക്ഷിച്ചു.

ബത്തേരി ജൈന ക്ഷേത്രം:ടിപ്പുവിൻറെ പീരങ്കികൾ ഇവിടെ 

ഹാലിളകിയ ടിപ്പുവിൻറെ പടയോട്ടം ഭയന്ന് കൊച്ചിയിലേക്കും തിരുവിതാംകൂറിലേക്കും ഹിന്ദു പലായനം 1789 ലായിരുന്നു.ആ വർഷം ഒടുവിൽ കോയമ്പത്തൂരിൽ ടിപ്പു തിരുവിതാംകൂർ യുദ്ധ സന്നാഹം തുടങ്ങി.ഡിസംബർ 28 നും 29 നും ടിപ്പുവിൻറെ സേന വടക്കു നിന്ന് നെടുംകോട്ട ആക്രമിച്ചു.ഇതാണ് ,നെടുംകോട്ട യുദ്ധം അഥവാ മമൈസൂർ -തിരുവിതാംകൂർ യുദ്ധം.ടിപ്പുവിൻറെ 14000 ഭടന്മാർ നാടൻ മുസ്ലിം പോരാളികൾക്കൊപ്പം കോട്ടയിലേക്ക് മാർച്ച് ചെയ്തു.29 ന് കോട്ടയുടെ വലതുകര ടിപ്പുവിൻറെ കയ്യിലായി.16 അടി വീതിയും 20 അടി താഴ്ചയുമുള്ള ഒരു കിടങ്ങ് മാത്രമേ ഇരു സൈന്യങ്ങളെയും വേർതിരിച്ചിരുന്നുള്ളു.കിടങ്ങ് മൂടാൻ സേനയോട് ടിപ്പു നിർദേശിച്ചു.തിരുവിതാംകൂർ സേനയുടെ പീരങ്കി വർഷത്തിൽ കിടങ്ങ് എളുപ്പം മൂടാനായില്ല.ഇടുങ്ങിയ ഒരു ഇടവഴിയിലൂടെ സേന മുന്നോട്ട് പോകാൻ ടിപ്പു ഉത്തരവിട്ടു.ഇത് വിഡ്ഢിത്തമായിരുന്നു.വൈക്കം പത്മനാഭ പിള്ളയുടെ നേതൃത്വത്തിൽ,നന്ത്യാട്ട് കളരിയിൽ നിന്നുള്ള രണ്ടു ഡസൻ നായർ പടയാളികൾ സ്ഥലത്തുണ്ടായിരുന്നു.

ടിപ്പു രണ്ടു തവണ കിടങ്ങിൽ വീണു.മരണം വരെ അയാൾ മുടന്തി. 

പെരിയാറിന്റെ കരഭിത്തി തുറന്ന വെള്ളപ്പൊക്കത്തിൽ ടിപ്പു ആശയറ്റു നിന്നു.ഘോര പേമാരിയുണ്ടായി.ബ്രിട്ടൻ സഖ്യകക്ഷിയായ തിരുവിതാംകൂറിന് വേണ്ടി ടിപ്പുവിനെതിരെ യുദ്ധം പ്രഖ്യാപിച്ചു.തലസ്ഥാനമായ ശ്രീരംഗപട്ടണം പ്രതിരോധിക്കാൻ ടിപ്പു മടങ്ങി.

നെടുംകോട്ടയിലെ കിടങ്ങുകളിൽ നിന്ന് നായർ പടയാളികൾ ടിപ്പുവിൻറെ വാൾ,പല്ലക്ക്,കഠാര,മോതിരം തുടങ്ങി സ്വകാര്യ വസ്തുക്കൾ കണ്ടെടുത്തു.അവ ധർമ്മരാജയ്ക്ക് സമ്മാനിച്ചു.ചിലവ ആഗ്രഹം പ്രകടിപ്പിച്ച കർണാട്ടിക് നവാബിന് കൊടുത്തു.

വൈക്കം പത്മനാഭ പിള്ള 

1790 ഡിസംബറിൽ,കേണൽ ജെയിംസ് ഹാർലിയുടെ സേന കോഴിക്കോടും  ജനറൽ റോബർട്ട് അബർക്രോംബി കണ്ണൂരും പിടിച്ചതോടെ മുസ്ലിം യുഗത്തിന് തിരശീല വീണു.ഡിസംബർ ഏഴു മുതൽ 12 വരെ തിരൂരങ്ങാടിയിലാണ്,ടിപ്പുവിൻറെ നായകൻ ഹുസ്സൈൻ അലിയെ വീഴ്ത്തി കോഴിക്കോട് പിടിച്ചത്.തിരുരങ്ങാടി തുടർന്ന് മാപ്പിള ലഹളകളുടെ കേന്ദ്രമായി.ഡിസംബർ 14 ന് കണ്ണൂരിൽ അറയ്ക്കൽ രാജയുടെ ഭരണത്തിന് അന്ത്യമായി.അബർക്രോംബി (1740 -1827 ) മുംബൈ ഗവർണറും മുംബൈ പട്ടാള മേധാവിയും ഇന്ത്യയുടെ പട്ടാള മേധാവിയും ആയി -സ്‍കോട്ടിഷ്‌ ജനറലും ട്രിനിഡാഡ് ഗവർണറും ബ്രിട്ടീഷ് എം പി യും ആയിരുന്ന റാൽഫ് അബർക്രോംബിയുടെ ഇളയ സഹോദരൻ.ഫ്രഞ്ച് യുദ്ധത്തിലും പങ്കെടുത്തു.1790 മുതൽ ഏഴു വർഷമായിരുന്നു,ഇന്ത്യയിൽ.1793 ലാണ് ഇന്ത്യൻ പട്ടാള മേധാവി ആയത്.തിരിച്ചു പോയി സഹോദരന് പകരം എം പി ആയി.ഇന്ത്യയിൽ നിന്ന് കിട്ടിയ കണ്ണുദീനം വളർന്ന് കാഴ്ച നഷ്ടപ്പെട്ടു;1802 ൽ രാജി വച്ചു.

തോമസ് ഫ്രഡറിക് മക്കൻസി ഹംബർസ്‌റ്റോൺ ( 1753-1783 ) 1780 ലാണ് കേണൽ ആയി 100 ഫൂട്ട് റെജിമെന്റിൽ നിയോഗിക്കപ്പെട്ടത്.രണ്ടാം ആംഗ്ലോ -മൈസൂർ യുദ്ധ വീരനായി.1783 ൽ അദ്ദേഹം സഞ്ചരിച്ച കപ്പൽ മറാത്താ സേന ആക്രമിച്ചു പരുക്കേറ്റ അദ്ദേഹം ഏപ്രിൽ 30 ന് ഗേറിയ ( വിജയദുർഗ് ) തുറമുഖത്ത് മരിച്ചു.അവിവാഹിതനായിരുന്നു എങ്കിലും,മകൻ ഉണ്ടായിരുന്നു -തോമസ് ഹംബർസ്‌റ്റോൺ.

റോബർട്ട് അബർക്രോംബി 

ടിപ്പുവിനുള്ള ബ്രിട്ടീഷ് വിരോധം വഴി അയാളെ സ്വാതന്ത്ര്യ സമര സേനാനിയാക്കാൻ വിവരദോഷികളായ ചരിത്രകാരന്മാർ ശ്രമിക്കുന്നുണ്ട്.ആ ബ്രിട്ടീഷ് വിരോധം,ആഗോള ഇസ്ലാമിക -ക്രിസ്ത്യൻ സംഘർഷത്തിൻറെ ഭാഗം മാത്രമായിരുന്നു.ഹൈദറും മകനെ പാരിസിൽ പഠിക്കാൻ അയച്ച ടിപ്പുവും ഫ്രഞ്ച് സഖ്യം ആഗ്രഹിച്ചു.ബ്രിട്ടന് പകരം,ഇന്ത്യയിൽ ഫ്രഞ്ച് അധിനിവേശത്തിന് കാത്തു.മാഹി വഴി ഫ്രഞ്ച് ആയുധങ്ങൾ കൊണ്ട് വന്നു.
നെപ്പോളിയൻ 1782 ൽ മറാത്താ പേഷ്വ മധു റാവു നാരായണുമായി ഉടമ്പടിയിൽ ഒപ്പിട്ടു.ഇതുവഴി പോണ്ടിച്ചേരി ഫ്രഞ്ച് ഗവർണർ ചാൾസ് ജോസഫ് ബസ്സി സൈന്യത്തെ ഫ്രഞ്ച് കോളനിയായ മൗറീഷ്യസിൽ എത്തിച്ചു.അഡ്മിറൽ പിയറി സഫ്രാൻ,ലൂയി പതിനാറാമൻറെ ചിത്രം ഹൈദറിന് സമ്മാനിച്ച് സഖ്യം തേടി.

നെപ്പോളിയൻ ഈജിപ്ത് കീഴടക്കിയത്,ടിപ്പുവുമായി സഖ്യം ലാക്കാക്കി ആയിരുന്നു*.1798 ഫെബ്രുവരിയിൽ നെപ്പോളിയൻ,ബ്രിട്ടനെ ചെറുക്കാനുള്ള ശ്രമങ്ങളെ ശ്ലാഘിച്ച് ടിപ്പുവിന് കത്തെഴുതി.ഇത് മസ്കറ്റിൽ ബ്രിട്ടീഷ് ചാരൻ പിടിച്ചതിനാൽ,ടിപ്പു കണ്ടില്ല.നെപ്പോളിയൻ -ടിപ്പു സഖ്യ സാധ്യതയിൽ വിറളി പൂണ്ടാണ്,ഇന്ത്യയിലെ ബ്രിട്ടീഷ് ഗവർണർ വെല്ലസ്ലി ,ടിപ്പുവുമായി അവസാന പോരാട്ടത്തിന് തിടുക്കം കൂട്ടിയത്.1798 ഫെബ്രുവരി 13 ന് ഫ്രഞ്ച് രാഷ്ട്രീയ നേതാവും നയതന്ത്രജ്ഞനുമായ ചാൾസ് മോറിസ് ടെലിറാൻഡ്എഴുതിയ റിപ്പോർട്ടിൽ പറഞ്ഞു:"ഈജിപ്ത് കീഴടക്കി കോട്ട കെട്ടിയതിനാൽ,15000 പേരടങ്ങിയ സേനയെ നാം സൂയസിൽ നിന്ന് ഇന്ത്യയിലേക്ക് അയയ്ക്കും;ടിപ്പു സാഹിബിൻറെ സേനയ്‌ക്കൊപ്പം ചേർന്ന് ബ്രിട്ടനെ തുരത്തും."

തുർക്കി പ്രതിരോധിച്ച അക്രേ പിടിക്കുന്നതിലും അബുകിർ യുദ്ധത്തിലും തോറ്റ നെപ്പോളിയൻ ആ പദ്ധതി പൂട്ടിക്കെട്ടി.59 ഫ്രഞ്ച് സൈനികരും താനും അടങ്ങുന്ന ജെക്കോബിൻ ക്ലബ് മൈസൂരിൽ ടിപ്പു ഉണ്ടാക്കിയിരുന്നു.ഫ്രഞ്ച് രീതിയിൽ നിയമം ഉണ്ടാക്കി.സ്വാതന്ത്ര്യ മരം നട്ടു. ക്ലബിൽ സമത്വം നടപ്പാക്കി,സ്വയം 'പൗരൻ ടിപ്പു'എന്ന് വിശേഷിപ്പിച്ചു.

ടിപ്പു ദൂതർ ലൂയി 16 നടുത്ത് 

മലബാറിലെ ഹിന്ദു ജന്മി സമ്പ്രദായം ടിപ്പു കേന്ദ്രീകൃത ഭരണം വഴി അവസാനിപ്പിച്ചു.നായന്മാരുടെയും മറ്റ് സവര്ണരുടെയും അധികാരകുത്തക തീർന്ന് മുസ്ലിംകളിൽ ധനിക വർഗം ഉദയം ചെയ്തു.പലായനം ചെയ്ത നായർ മാടമ്പിമാരുടെ സ്വത്ത് പിടിച്ചെടുത്തു വിതരണം നടത്തി.കൃഷിക്കാരിൽ നിന്ന് നേരിട്ട് നികുതി പിരിക്കുന്ന ജമാബന്ദി സംവിധാനമുണ്ടായി.ഭൂമി സർവേ നടത്തി തരം തിരിച്ചു.വിസ്തൃതിയും വിളയും നോക്കി നികുതി നിശ്ചയിച്ചു.കുരുമുളക്,തേങ്ങ,പുകയില,ചന്ദനം,തേക്ക് തുടങ്ങിയവയ്ക്ക് കുത്തക ഏർപ്പെടുത്തി.യുദ്ധത്തിന് ഉണ്ടാക്കിയ റോഡുകൾ കച്ചവടത്തെ സഹായിച്ചു.

വൈക്കം പത്മനാഭ പിള്ള ( 1767 -1809 ) യെ ബ്രിട്ടനെതിരെ കലാപം നടത്തിയതിന് 1809 ൽ പിടികൂടി തൂക്കി കൊന്നു.

ടിപ്പു ആക്രമിച്ച 1789 ലാണ് പിള്ള പട്ടാളത്തിൽ ചേർന്നത്.നന്ത്യാട്ട് കളരിയിൽ നിന്നുള്ള 20 കരുതൽ സേനാംഗങ്ങളിൽ ഒരാൾ.1790 ഏപ്രിലിലെ രണ്ടാം പോരാട്ടത്തിലും പങ്കെടുത്തു.രാജാവിൻറെ പട്ടാള മേധാവിയായി.വേലുത്തമ്പി ദളവ കലാപം തുടങ്ങിയപ്പോൾ അദ്ദേഹത്തിൻറെ പട്ടാള മേധാവി.ബോൾഗാട്ടി പാലസ്,കായലിലൂടെ ഓടി വള്ളങ്ങളിൽ വളഞ്ഞ് 1808 ഡിസംബറിൽ റസിഡൻറ് മെക്കാളെയെ ചെമ്പിൽ അരയൻ ആക്രമിച്ച പദ്ധതിയുടെ ആസൂത്രകൻ.പള്ളാത്തുരുത്തിയാറ്റിൽ 13 ബ്രിട്ടീഷ് ഭടന്മാരെ മുക്കിത്താഴ്ത്തി.വൈക്കം തിരുവേലി കുന്നിൽ പരസ്യമായി തൂക്കി കൊന്നു.

------------------------------------------------
Reference:
1.Malabar Manual/William Logan
2.Kerala District Gazetteers,Kozhikode,Kannur
3.Travancore State Manual / T K Velu Pillai,V Nagam Aiya
4.History of Tipu Sultan/ Mohibul Hassan
5.Tipu Sultan As Known in Kerala/ Ravi Varma
6.Kerala Under Haidar Ali and Tipu Sultan/ C K Kareem
7.Historical Sketches of the South of India in an Attempt to Trace the History of Mysore/
Mark Wilks
8.Selected Letters of Tipoo Sultan/William Kirkpatrick
9.Rise and Fulfillment of English Rule in India/Edward John Thompson
*Quoted in Iradj Amini (1 January 1999). Napoleon and Persia: Franco-Persian Relations Under the First Empire

See https://hamletram.blogspot.com/2019/11/blog-post_6.html

ആയാസ് ഖാൻ:ടിപ്പുവിനെ വിറപ്പിച്ച നായർ

ഹിന്ദു വംശഹത്യയ്ക്ക് ടിപ്പു ഉത്തരവിട്ടു 

വെള്ളുവക്കമ്മാരൻ നമ്പ്യാർ ( 1713 -1799 ) ഒരു സാമ്രാജ്യം കെട്ടിപ്പടുത്ത കഥയ്ക്ക് ഇന്ത്യയിൽ സമാനതകളില്ല.1970 കളിലെ ഗൾഫ് കുടിയേറ്റം വഴി കച്ചവട സാമ്രാജ്യങ്ങൾ കെട്ടിപ്പടുത്ത മലയാളികളുണ്ട്‌.പതിനെട്ടാം നൂറ്റാണ്ടിൽ ഒരു പ്രവിശ്യ തന്നെ സ്വന്തമായി ഉണ്ടായിരുന്ന അദ്ദേഹത്തിൻറെ ഖജനാവ്  അന്ന് 12 മില്യൺ പൗണ്ട് ( ഇന്നത്തെ 110 കോടി രൂപ ) മൂല്യമുള്ളതായിരുന്നു.അദ്ദേഹം ഹൈദരാലിയുടെ സൈന്യാധിപനും ഗവർണറും ആയിരുന്നു.ഇതെല്ലാം മതം മാറി നമ്പ്യാർ ആയാസ് ഖാൻ ആയ ശേഷമാണ് ഉണ്ടായത്.ഒടുവിൽ ബ്രിട്ടീഷുകാർ എല്ലാം കൈവശപ്പെടുത്തി,അനാഥനായി മരിച്ചു.മുംബൈ മസഗോണിൽ മരിക്കുമ്പോൾ 4000 രൂപ പെൻഷൻ ഉണ്ടായിരുന്നു.

ചാലിൽ വെള്ളുവ എന്ന മാടമ്പി കുടുംബത്തിൽ ആയിരുന്നു,ജനനം.പള്ളിയത്ത് കണ്ണനും കല്യാണിയും മാതാ പിതാക്കൾ.തൻറെ കുടിയാന്മാരോട് മാത്രം ദയ കാട്ടിയ ക്രൂരനായ അധികാരി രൈരു നമ്പ്യാരുടെ മകളായിരുന്നു കല്യാണി.കണ്ണൂരിനും തലശ്ശേരിക്കും ഇടയിൽ എടക്കാടിനടുത്ത് ഇന്ദേരി അഥവാ ഇന്ദ്രഗിരിയിൽ ആയിരുന്നു,വെള്ളുവ -ഇന്ദ്രഗിരിയിൽ കിഴക്കു നിന്ന് തെക്കുകിഴക്കായി കിടന്ന പ്രദേശത്തിനും അതേ പേരായിരുന്നു.കുടുംബത്തിന് രണ്ടു ശാഖകൾ:ചാലാട്,കല്യാട്ട്.കമ്മാരന് രണ്ടു സഹോദരിമാർ -ഒരാളെ ചാലാട്ടും മറ്റെയാളെ കല്യാട്ടും വിവാഹം ചെയ്ത് അയച്ചു.കല്യാട്ടിന് കുറ്റിക്കാട്ടൂരിൽ ഒരു ശാഖ പിന്നെയുണ്ടായി.രൈരു നമ്പ്യാർ ചാലാട് നിന്നായിരുന്നു.

ആയാസ് ഖാൻ 

എം ആർ കെ സി എന്ന സി ( ചെങ്കളത്ത് ) കുഞ്ഞിരാമ മേനോൻ 'വെള്ളുവക്കമ്മാരൻ' എന്ന നോവൽ എഴുതി. കമ്മു എന്ന് വിളിപ്പേരുള്ള കമ്മാരന് ദീർഘായുസ്സും നിരവധി ശത്രുക്കളും ജാതകത്തിൽ പ്രവചിച്ചു.വിദേശ വാസം,ഉന്നത പദവി,ധാരാളം സമ്പത്ത്,സുന്ദരിയായ ഭാര്യ.സന്താന ഭാഗ്യമില്ല.വാർധക്യത്തിൽ സന്യാസി.

അമരകോശം പഠിച്ച ശേഷം പത്തു വയസിൽകമ്മുവിനെ കളരിക്ക് അയച്ചു.കമ്മുവിന് 18 വയസുള്ളപ്പോൾ രൈരു നമ്പ്യാർക്ക് ഭ്രാന്തായി.കല്യാണിയുടെ മരണവും രണ്ടാം ഭാര്യയുടെ ആത്മഹത്യയും ആയിരുന്നു,കാരണം.നികുതി പിരിച്ചിരുന്ന കാര്യസ്ഥൻ പയ്യൻ കോമൻ നമ്പ്യാർക്ക് ആത്മഹത്യയിൽ പങ്കുള്ളതായി രൈരു സംശയിച്ചു.അവിഹിത ബന്ധമാകണം.ഇതിന് പകരം വീട്ടും വരെ ഇടതു കൈ കൊണ്ടേ ആഹാരം കഴിക്കൂ എന്ന് രൈരു പ്രതിജ്ഞ ചെയ്തു.

ഭാര്യയുടെ ആദ്യ ശ്രാദ്ധം കഴിഞ്ഞ് അടുത്ത നാൾ തൻറെ പിറന്നാൾ വിപുലമായി കൊണ്ടാടാൻ രൈരു തീരുമാനിച്ചു.നാട്ടിലെ ദിവ്യന്മാരെയൊക്കെ ക്ഷണിച്ചു.അടുത്ത ക്ഷേത്രത്തിൽ മൃത്യുഞ്ജയ ഹോമത്തിന് ശേഷം പ്രമാണിമാർ സദ്യയ്ക്ക് ഇരുന്നു.ഇലയിൽ വിഭവങ്ങൾ വിളമ്പി കഴിഞ്ഞപ്പോൾ,രൈരു നമ്പ്യാർ എഴുന്നേറ്റ്,കോമർ ഇരിക്കുന്നിടത്തേക്ക് ചെന്നു.അയാളെ എഴുന്നേൽപ്പിച്ച് വയറ്റിൽ ആഞ്ഞു കുത്തി.കോമറുടെ ചോരയിൽ രൈരു വലതു കൈ മുക്കി,തൻറെ ഇലയ്ക്ക് പിന്നിൽ ഇരുന്നു.ചോര കൊണ്ട് ചോറ് കുഴച്ച് ഒരുരുള ഉണ്ടു.എല്ലാവരും സ്തംഭിച്ചു.

കമ്മു തലശ്ശേരി അധികാരി മാവില ചന്തു നമ്പ്യാരെ വിവരം അറിയിച്ചു.കോലത്തിരിയുടെ റവന്യു ഉദ്യോഗസ്ഥനായ ചന്തുവെത്തി രൈരുവിനെ തടവിലാക്കി തലശ്ശേരി മാവിലാൻ കുന്നിലെ വീട്ടിലേക്ക് കൊണ്ടു പോയി.കോലത്തിരി,രൈരുവിൻറെ സ്വത്ത് കണ്ടു കെട്ടി.കോമർ കൊല്ലപ്പെട്ടത് ചാലാട് ആണെന്ന കിംവദന്തി തെറ്റാണെന്ന് ഈ വസ്തുതകൾ തെളിയിക്കുന്നു.അയാൾ കൊല്ലപ്പെട്ടത് ഇന്ദേരിയിൽ തന്നെ.

വർഷങ്ങൾ കഴിഞ്ഞ് ഗവർണർ ആയ ആയാസ് ഖാൻ തലശ്ശേരിയിൽ സ്വത്ത് വീണ്ടെടുക്കാൻ എത്തിയപ്പോൾ താമസിച്ചത്,മാവിലാൻ കുന്നിലാണ്;ചാലാട് പോയില്ല.1783 സെപ്റ്റംബറിൽ ( കൊല്ലവർഷം 959 കന്നി ) കോലത്തിരി അവിടെപ്പോയി ആയാസ് ഖാനെ കണ്ടു.

രൈരുവിനെ തടവുകാരനായി കൊണ്ട് പോയപ്പോൾ,കമ്മു അനുഗമിച്ചു.മാവിലാൻ കുന്നിലെ വീട്ടിൽ ചന്തുവിൻറെ മകൾ മാധവിയെ കമ്മു കണ്ടു.അവർ പ്രണയത്തിലായി.

ചെങ്കളത്ത് കുഞ്ഞിരാമ മേനോൻ 

ചന്തുവിൻറെ അമ്മാവൻ കുങ്കൻ നമ്പ്യാരാണ് 1704 ൽ ബ്രിട്ടീഷ് ഈസ്റ്റ് ഇന്ത്യ കമ്പനിക്ക് തലശ്ശേരി കോട്ട സ്ഥാപിക്കാനുള്ള അനുമതി നേടിക്കൊടുത്തത്.ഇളയ വടക്കുംകൂറിൽ ( കുഞ്ഞി അമ്പു / ഉദയ വർമ്മ ) സ്വാധീനം ചെലുത്തിയും കോലത്തിരി രാജാവിന് കോഴ കൊടുത്തുമാണ് ഇത് സാധിച്ചത്.പകരം,മാവിലാൻ കുന്ന് കോലത്തിരി,കുങ്കന് കൊടുത്തു.അത് തലശ്ശേരിക്ക് അടുത്തായിരുന്നു.വടക്ക് എടക്കാട് മുതൽ തെക്ക് മയ്യഴിപ്പുഴ വരെ.ഇടഞ്ഞു നിന്ന കുഞ്ഞിരാമ വർമ്മ രാജകുമാരൻ ഇരുവള്ളിനാട്ടിലെ നായർ പട നായകൻ കുറങ്ങോത്ത് നായർക്കൊപ്പം,ഈസ്റ്റ് ഇന്ത്യ കമ്പനിയുടെ പണ്ടകശാല 1708 കാലത്ത് ആക്രമിച്ചിരുന്നു.ഇതിനെപ്പറ്റി കമ്പനി പരാതിപ്പെട്ടപ്പോഴാണ്,ഉദയ വർമ്മ തലശ്ശേരി ഫാക്റ്ററിക്ക് സ്ഥലം കൊടുത്തത്.

ധനിക കർഷകൻ തണ്ടാരപ്പിള്ളി അമ്പു കുറുപ്പിൻറെ ഏക അനന്തരവൾ മാതുവായിരുന്നു,ചന്തുവിൻറെ ഭാര്യ.കുരുമുളക് കച്ചവടത്തിൽ വിശ്വാസ വഞ്ചന ആരോപിച്ച് ചില മാപ്പിള കച്ചവടക്കാർ അമ്പുവിനെ കൊന്നു.മാതുവിനെ ചന്തു അവിടന്ന് രക്ഷിച്ചു കൊണ്ട് വന്നു.ചന്തുവിൻറെ ഉദാരനായ അമ്മാവൻ കല്യാട്ട് കേളു നമ്പ്യാരുടെ വീട്ടിൽ മാതു ജീവിച്ചു.

മാപ്പിളമാർ ഹിന്ദുക്കളെ കൊന്നത്,മാപ്പിള ലഹളക്കാലത്ത് മാത്രമല്ല.വർഗ സമരമല്ല,കച്ചവട ലഹള.

തടവിലായി താമസിയാതെ രൈരു മരിച്ചു.കോമറെ പക വീട്ടാൻ കൊന്നതാണെന്ന് മരണക്കിടക്കയിൽ അയാൾ കമ്മുവിനെ അറിയിച്ചു.ഭ്രാന്ത് അഭിനയം ആയിരുന്നു.ശിക്ഷയിൽ നിന്ന് രക്ഷപ്പെടാൻ നേരത്തെ കണ്ടെത്തിയ സൂത്രം.41 ദിവസത്തെ പുലയ്ക്ക് ശേഷം,കമ്മുവിനോട് പട്ടാളത്തിൽ ചേരാൻ കോലത്തിരി ഉത്തരവിട്ടു.നായന്മാർക്ക് പട്ടാളം അന്ന് നിർബന്ധമായിരുന്നു.കമ്മു പട്ടാളത്തിൽ ഉയർന്ന് സൈന്യാധിപൻ ആയി;പട്ടാളക്കാർക്ക് ആദ്യമായി യൂണിഫോം നടപ്പാക്കി.

കോലത്തിരി വാർധക്യത്തിൽ ദുർബലനും രാജ്ഞിയുടെയും മന്ത്രി സുബ്രഹ്മണ്യ അയ്യരുടെയും കൈയിലെ പാവയും ആയിരുന്നു.തെക്കേ ഇളംകൂർ കുഞ്ഞിരാമ വർമ്മ ,വടക്കേ ഇളംകൂർ ഉദയ വർമ്മ രാജകുമാരന്മാർക്കിടയിൽ,രണ്ടാമൻ ദുര മൂത്ത് രാജാവിനെ അട്ടിമറിക്കാൻ തക്കം പാർത്തു.മന്ത്രി അയാൾക്കൊപ്പം ചേർന്നു.കാസർകോട് നീലേശ്വരം ആസ്ഥാനമായ ഇയാൾ,500 പടയാളികളെ എരിപുരം പുഴയിലേക്ക് തോണികളിൽ അയച്ചു -ഇന്നത്തെ പഴയങ്ങാടി പുഴ.വളപട്ടണം കോട്ട പിടിക്കുകയായിരുന്നു,ലക്ഷ്യം.പോരാട്ടത്തിൽ കമ്മു അയാളെ തോൽപിച്ചു.

പ്രാണഭയത്താൽ,ഉദയ വർമ്മ,കർണാടകയിലെ ഇക്കേരി രാജാവുമായി ഉടമ്പടിക്ക് ശ്രമിച്ചു.ഷിമോഗയിലെ സാഗരയിൽ നിന്ന് ആറു കിലോമീറ്റർ ആയിരുന്നു,ഇക്കേരിക്ക്.1560 -1640 ൽ കേലാടി രാജ വംശ ആസ്ഥാനം.കേലാടി അഥവാ കാനറാ രാജാക്കന്മാർക്കിടയിൽ കീർത്തി കേട്ട ശിവപ്പ നായിക്ക് തലസ്ഥാനം അവിടന്ന് ബേദനൂർക്ക് മാറ്റി.ബേദനൂർ എന്നാൽ,മുളകളുടെ നഗരം.1755 ൽ ഇക്കേരി രാജാവ് ഹിരിയ ബാസപ്പ നായിക് മരിച്ചപ്പോൾ,മകൻ സുന്ദര നായിക്കിന് ഒൻപത് വയസ് മാത്രമായിരുന്നു.വീരമ്മ രാജ്ഞി മന്ത്രി ദൊഡ്ഡപ്പയുടെ സഹായത്തോടെ ഭരിച്ചു.അവർ അയാളുടെ ഭാര്യയായി.കുട്ടിയെ ഒരു പ്രമാണിയുടെ വീട്ടിൽ തടവിലാക്കി.കുട്ടി മരിച്ചെന്ന് പ്രചരിപ്പിച്ച് ദൊഡ്ഡപ്പ ഫലത്തിൽ രാജാവായി.

മധുഗിരി കോട്ട 

പ്രായപൂർത്തി ആയപ്പോൾ സുന്ദര നായിക്ക് ഹൈദരാലിയുമായി ബന്ധപ്പെട്ടു.1763 ൽ ഹൈദരാലിയെത്തി ബേദനൂർ പിടിച്ചത്,കമ്മുവിൻ്റെ ജീവിതത്തിൽ വഴിത്തിരിവായി.വീരമ്മയെ പിടികൂടി ഹൈദരാലി മകനൊപ്പം മധുഗിരി കോട്ടയിൽ തടവിലാക്കി.

ബേദനൂർ രാജാവ് സോമശേഖര നായിക്ക് 1732 ജനുവരിയിൽ കോലത്തുനാട് ആക്രമിച്ചു.അന്ന് മുതൽ വിദേശ ശക്തികൾ മലബാറിൽ ഇടപെട്ടു തുടങ്ങി.കണ്ണൂരിലെ ഡച്ച് മേധാവി മാർച്ച് 15 ന് നായിക്ക് സംഘത്തിന് ഭക്ഷ്യ വിതരണം വിച്ഛേദിച്ചു.ബേദനൂർ സേനാധിപൻ ഗോപാലപ്പ,ഡച്ചുകാരുമായി നടത്തിയ ചർച്ച അലസി.കോലത്തിരി കുടുംബത്തിൽ പിളർപ്പുണ്ടാക്കി ഡച്ചുകാർക്കുള്ള പ്രത്യേക അവകാശങ്ങൾ അവസാനിപ്പിക്കാൻ ശ്രമിച്ചു.കോലത്തിരി കൂർഗ് രാജാവ് ദൊഡ്ഡവീരപ്പയോട് ഇടപെടാൻ അഭ്യർത്ഥിച്ചു.കോലത്തിരി 18 ലക്ഷം നഷ്ട പരിഹാരം കൊടുത്താൽ പിന്മാറാമെന്ന് സോമശേഖര സമ്മതിച്ചു.

കോലത്തിരി വാക്ക് പാലിക്കാത്തപ്പോൾ,ദൊഡ്ഡവീരപ്പ സ്വന്തം കൈയിൽ നിന്ന് ഒൻപത് ലക്ഷം കൊടുത്തു.ബാക്കിക്ക് സേനാധിപൻ ബോണി മുത്തണ്ണയുടെ നേതൃത്വത്തിൽ 5000 പേരടങ്ങിയ സേനയെ അയച്ചു.വടക്കേ ഇളംകൂർ ഉദയ വർമ്മ തിരിച്ചടിക്കുമെന്ന് അറയ്ക്കൽ അലി രാജ വിവരം നൽകിയപ്പോൾ സേന പിൻവാങ്ങി.ഇളംകുർ,എമ്മൻ,ചാത്തു എന്നീ ദൂതന്മാരെ ഇക്കേരിക്ക് അയച്ചു.രണ്ട് ഉപാധികളിന്മേൽ കോലത്തിരിയെ ആക്രമിക്കാമെന്ന് സോമശേഖര സമ്മതിച്ചു.മൂന്ന് ലക്ഷം വരാഹന് തുല്യമായ 130000 പഗോഡ യുദ്ധച്ചെലവായി നൽകണം.യുദ്ധം കഴിഞ്ഞ് നീലേശ്വരം മുതൽ ഇക്കേരി വരെയുള്ള സ്ഥലം ഇക്കേരിക്ക് നൽകണം.
പണം സമയത്ത് കൊടുത്തില്ലെങ്കിൽ കോലത്തിരി നാട്ടിലെ നികുതി പിരിവ് ഇക്കേരി ഏറ്റെടുക്കും.

ചാരന്മാർ വിവരം നൽകിയപ്പോൾ,കമ്മു സേനയുമായി ചെന്ന് വടക്കേ ഇളംകൂറിനെ വളപട്ടണം കോട്ടയിൽ തടവുകാരനാക്കി.കമ്മു സ്വന്തം നിലയ്ക്ക് ഇക്കേരി രാജാവിനോട് ഏറ്റുമുട്ടാൻ പോയി.വിവരമറിഞ്ഞ ഇക്കേരി രാജാവ്,മാടായി പുഴയിൽ നിന്ന് സൈനികരടങ്ങിയ 40 തോണികൾ പിൻവലിച്ചു.ഇക്കേരിക്ക് പോകാതെ നീലേശ്വരത്ത് തങ്ങാൻ കോലത്തിരി കമ്മുവിന് സന്ദേശം അയച്ചു.ഇന്നത്തെ ചിറയ്ക്കൽ താലൂക്ക് മാത്രമേ കോലത്തിരിക്ക് ഉണ്ടായിരുന്നുള്ളു.കണ്ണൂർ അറയ്ക്കൽ അലി രാജാവിൻറെ കൈയിലായിരുന്നു.തെക്കൻ മേഖല രണ്ടു തറ അച്ചന്മാരുടെ കൈവശമായിരുന്നു.

തെക്കിളംകൂർ കുഞ്ഞിരാമ വർമ്മ തലശ്ശേരി ഫാക്റ്ററി സേനാ മേധാവി റോബർട്ട് ആഡംസിനെ ( 1728 ൽ വിരമിച്ചു ) സമീപിച്ചു.അദ്ദേഹം തയ്യാറാക്കിയ ഉടമ്പടി,ഇക്കേരി രാജാവിന് കൈമാറാൻ കമ്മുവിന് എത്തിച്ചു.കോലത്തിരിയുടെ മന്ത്രി സുബ്രഹ്മണ്യ അയ്യർ നീക്കങ്ങൾ മണത്ത്,മോചിതനായ വടക്കിളംകുറിനെ കൂട്ടി ഇക്കേരിയിൽ എത്തി.

ചിറയ്ക്കൽ കൊട്ടാരം 

ആഡംസും ഇക്കേരി രാജാവും തനിക്ക് രേഖാമൂലം സുരക്ഷിതതവം ഉറപ്പ് നൽകിയാൽ മാത്രം ഇക്കേരിക്ക് പോകാമെന്ന് കമ്മു അറിയിച്ചു.അത് നടന്നു.വടക്കിളംകുറിന്റെ സാന്നിധ്യം,കമ്മുവിൽ സംശയം ജനിപ്പിച്ചു.താൻ  ചോദിക്കാതെ തന്നെ,അയ്യരുടെ കുതന്ത്രം വഴി  തനിക്ക് വടക്കിളംകൂർ മാപ്പ് നൽകിയതായിരുന്നു,കാരണം.കമ്മുവിനെ കൊല്ലാൻ ഇക്കേരി രാജാവും വടക്കിളംകൂറും അയ്യരും ചേർന്ന് പദ്ധതിയുണ്ടാക്കി.തോട്ടത്തിലുള്ള വസതിയുടെ മൂന്നാം നിലയിലെ പടിഞ്ഞാറേ മുറി കമ്മുവിന് നൽകി.താഴെ നിന്ന് ഒരു ലിവർ വലിച്ചാൽ,മുറിയുടെ മരം കൊണ്ടുള്ള നിലം പിളർന്ന് മാറുമായിരുന്നു.32 അടി താഴെ പാറക്കൂട്ടങ്ങളുടെ കുഴിമാടത്തിലേക്ക് അതിഥി അപ്പോൾ നിലം പതിക്കും.

അത് സംഭവിച്ചു.രണ്ട് ഭടന്മാർ കമ്മുവിന്റെ ശരീരം ചാക്കിലാക്കി ബേദനൂർ പുഴ ലക്ഷ്യമാക്കി നടന്നു.വേട്ടക്കാരുടെ വേഷത്തിൽ അവിടെയുണ്ടായിരുന്ന ഹൈദരാലിയും അളിയൻ ഷെയ്ഖ് മക്ദും അലിയും ഭടന്മാർക്ക് നേരെ നിറയൊഴിച്ച് കമ്മുവിനെ രക്ഷിച്ചു.

ഈ കഥയിൽ ഭാവന നന്നായി ഉണ്ട്.യുവാവായ കമ്മുവിനെ 1766 ലെ മലബാർ പടയോട്ടക്കാലത്ത് ഹൈദരാലി തടവിലാക്കി എന്നാണ് പൊതു വിശ്വാസം. യുവാവല്ല,.കമ്മുവിന് അന്ന് 53 വയസ്സായിരുന്നു.മക്ദും അലി 1782 ൽ സേനയുമായി മലബാറിൽ എത്തി മേജർ അബിങ്ങ്ടൺ,കേണൽ തോമസ് ഫ്രഡറിക് ഹമ്പർസ്‌റ്റോൺ എന്നിവർ നയിച്ച ബ്രിട്ടീഷ് സേനയോട് തിരൂരങ്ങാടിയിൽ ഏറ്റുമുട്ടി കൊല്ലപ്പെട്ടു.

ചരിത്രം ഇതാണ്:വടക്കേ ഇളംകുർ കുഞ്ഞി അമ്പു / ഉദയ വർമ്മ 1734 ൽ ധർമ്മടം ഈസ്റ്റ് ഇന്ത്യ കമ്പനിക്ക് കൊടുത്തു.കോലത്തു നാട്ടിലെ തമ്മിലടിക്കുന്ന രാജകുമാരന്മാർ 1737 ൽ വീണ്ടും സോമശേഖരയെ ആക്രമണത്തിന് ക്ഷണിച്ചു.വടക്ക് മാടായി അതിരായി നിശ്ചയിച്ച് ഉടമ്പടിയിൽ എത്തി.അങ്ങനെ ബേദനൂരും കോലത്തുനാടും യൂറോപ്യൻ ശക്തികൾക്കും അറയ്ക്കൽ അലി രാജാവിനുമെതിരെ പൊരുതുന്ന ശക്തികളായി.1746 ജൂൺ അഞ്ചിന് ആംഗ്ലോ -ഫ്രഞ്ച് യുദ്ധത്തിനിടയിൽ ഉദയവർമ്മ മരിച്ചു.പിൻഗാമി തെക്കുംകൂർ കുഞ്ഞിരാമ വർമ കമ്പനിക്ക് എതിരായിരുന്നു.താലൂക്കുകളുടെ ഭരണം അദ്ദേഹം മക്കൾക്ക് വിട്ടു കൊടുത്തത് നീരസത്തിന് ഇടയാക്കി.ബേദനൂർ ഇടപെട്ടു.കോലത്തു നാട് ഭരണ അരാജകത്വത്തിലായി.രാജകുടുംബത്തിലെ സംബന്ധക്കാരികളെ സ്വാധീനിച്ച് ബ്രിട്ടൻ കൂടുതൽ സ്ഥലങ്ങൾ കൈവശപ്പെടുത്തി.

ബോദ്നെയ്‌സ് 

കടത്തനാട് രാജാവിൻറെ മകൾ ആയിരുന്നു,ഉദയ വർമ്മയുടെ ഭാര്യ.നമ്പ്യാർ മേഖലയായ ഇരുവഴി നാട്ടിൽ അവർക്ക് ഒരു വീട് പണിതിരുന്നു.ഇവർ കോട്ടയം ( പഴശ്ശി ) രാജാവുമായി ചേർന്ന് 1751 ൽ തലശ്ശേരി ബ്രിട്ടീഷ് കോട്ട ആക്രമിച്ചു.1750 ൽ കോട്ട മേധാവി തോമസ് ഡെറിൽ,കോലത്തിരി രാജാവുമായി സന്ധിയുണ്ടാക്കിയിരുന്നു ,കുഞ്ഞിരാമ വർമ്മയ്ക്ക് പകരം, ദുർബലനായ ഇളയവൻ അമ്പുവിനെ പിൻഗാമി ആക്കി,എങ്കിലും ഭരണം  രാമവർമ്മയുടെ കൈയിലായിരുന്നു.കമ്പനിയും കുഞ്ഞിരാമ വർമ്മയും തമ്മിൽ,കോട്ടയം രാജാവ് ഇടപെട്ട് 1752 മെയ് 22 ന് സന്ധിയുണ്ടാക്കി -രാമവർമയ്ക്ക് 50000 രൂപയും കോട്ടയം രാജാവിന് 10000 രൂപയും കിട്ടി.കുഞ്ഞിരാമവർമ്മ 1756 ൽ മരിച്ചു..1761 ൽ കോലത്തിരി, കടിഞ്ഞാൺ ഏന്തിയിരുന്ന തമ്പാനെ നീക്കിയെങ്കിലും മൂന്ന് വർഷം കഴിഞ്ഞ് അയാൾ അധികാരം പിടിച്ചു.ഇദ്ദേഹത്തെയാണ് ഹൈദരാലി കീഴടക്കി പുറത്താക്കിയത്.കോലത്തുനാട്ടിൽ ആദ്യമായി ഭൂനികുതി നടപ്പാക്കിയത്,ഇക്കേരി അധിനിവേശ ശേഷമായിരുന്നു.നെല്ലിനും തോട്ടത്തിനും പാട്ടത്തിന്റെ 20 %.1776 ൽ ഹൈദരാലി,സകല ഭൂമിക്കും നികുതി നടപ്പാക്കി.

ബേദനൂർ പിടിച്ച ശേഷം ഹൈദരാലി,പ്രശ്നങ്ങൾ പരിഹരിക്കാൻ അനന്ത റാവുവിനെ ഹൈദരാലി തലശ്ശേരിക്ക് അയച്ചു.അലി രാജ തുണച്ചത്, കാപ്പു തമ്പാൻ എന്ന കേരള വർമ്മയെ ആയിരുന്നു.ഇയാൾക്ക് വേണ്ടി ആക്രമണം നടത്താൻ അലി രാജയെ റാവു പ്രോത്സാഹിപ്പിച്ചു.ഹൈദരാലിയെ അലിരാജ മംഗലാപുരത്തു ചെന്ന് കണ്ടു.അങ്ങനെ 1776 ൽ ഹൈദരാലി മലബാർ അധിനിവേശം നടത്തി.

നോവലിൽ പറയുന്നത് കമ്മുവിനെ ,മക്ദുമിനൊപ്പം ശ്രീരംഗ പട്ടണത്തേക്ക് അയച്ചു എന്നാണ്.അഞ്ചാം ദിവസം ഉച്ചയ്ക്ക് അവിടെ എത്തുമ്പോൾ,ഹൈദരാലിയുടെ മകൻ ടിപ്പു ക്ഷേത്രത്തിനടുത്ത് കാളപ്പോരിൽ ആയിരുന്നു.ടിപ്പു കുതിരപ്പുറത്തു നിന്ന്കുന്തം കൊണ്ട് ഒരു കാളയുടെ വയർ കുത്തിക്കീറാൻ ശ്രമിച്ചു.ടിപ്പു ആരെന്നറിയാത്ത കമ്മു,തൻറെ കുതിരയെ ഓടിച്ച് ടിപ്പുവിനും കാളയ്ക്കുമിടയിൽ നിർത്തി കാളയുടെ ജീവന് വേണ്ടി നിന്ന് ടിപ്പുവിനെ വെല്ലു വിളിച്ചു.കമ്മുവും ടിപ്പുവും തമ്മിൽ ആജന്മ വൈരത്തിന് വിത്തിട്ടു -ഈ കഥയും ഭാവനയാകാം.നമുക്ക് ചരിത്രം നോക്കാം.

ഇക്കേരിയിൽ നിന്ന് മടങ്ങിയ ഹൈദരാലി,കമ്മുവിനെ ഇസ്ലാമിലേക്ക് മാറ്റി-മുഹമ്മദ് ആയാസ് ഖാൻ.മതം മാറിയവരുടെ പുതിയ സേനയായ ആസാദ് -ഇ ഇലാഹിയിൽ അയാളെ ചേർത്തു.ഫ്രഞ്ച് നേവി ക്യാപ്റ്റൻ ബർട്രൻഡ് ഫ്രാങ്സ്വ മാഹി ഡി ലാ ബോദനെയ്‌സ് അയാളുടെ ഗുരുവായി.ഈ ഗുരുവിൻറെ പേരിൽ നിന്നാണ്മാ,മയ്യഴി, മാഹി ആയത്.ഫ്രഞ്ച് ഈസ്റ്റ് ഇന്ത്യ കമ്പനി മാഹി പിടിക്കുമ്പോൾ,ക്യാപ്റ്റൻ കാട്ടിയ ധീരതയാൽ സ്ഥലപ്പേര് സ്വന്തം പേരിനോട് ചേർത്തതാണെന്ന് പാഠഭേദമുണ്ട്.1720 -1745 ൽ അദ്ദേഹം ഇന്ത്യ സർവീസിൽ  ആയിരുന്നു.ജനറൽ ഡ്യൂപ്ലെയുമായി കലഹിച്ച് 1748 ൽ അറസ്റ്റിലായി.

ഇക്കാലത്താണ് കോലത്തിരിയെ ചിറയ്ക്കൽ രാജാവ് എന്ന് വിളിക്കാൻ തുടങ്ങിയത്.കുടിശ്ശികയായ നഷ്ടപരിഹാര തുക മൂന്ന് ലക്ഷം നൽകാൻ ഇക്കേരി രാജാവ് സമ്മർദ്ദം ചെലുത്തി.കോലത്തിരി രാജാവിനെ അട്ടിമറിക്കാൻ സഹായിച്ചില്ലെന്ന് വാദിച്ച് ഇളംകൂർ ഇത് നിരസിച്ചു.1732 ൽ ഇക്കേരി സേനാധിപൻ രഘുനാഥ് നാവികപ്പടയുമായി ഏഴിമലയിൽ എത്തി.ഇത് ബ്രിട്ടീഷ്‌ തലശ്ശേരി ഫാക്റ്ററി പ്രവർത്തനത്തെ ബാധിച്ചു.ഫാക്റ്ററി ഭക്ഷ്യ വസ്തുക്കൾക്ക് മംഗലാപുരം തുറമുഖത്തെയാണ് ആശ്രയിച്ചിരുന്നത്.ഇംഗ്ലീഷ്,ഫ്രഞ്ച്,പോർച്ചുഗീസ്,മൂന്നാം ഇളംകുർ,കോട്ടയം രാജാവ്,അലി രാജ എന്നിവർ നിലനിൽപ്പിന് പരസ്പരം പോരാടി.വളപട്ടണം പുഴയ്ക്ക് വടക്കുള്ള സ്ഥലം ഇക്കേരിക്ക് നൽകാൻ കോലത്തിരി സമ്മതിച്ചപ്പോൾ പ്രശ്ന പരിഹാരമായി.1766 ൽ ഹൈദരാലി കീഴടക്കും വരെ ഇക്കേരി സേന ഇവിടെ ഉണ്ടായിരുന്നു.

ഹൈദരാലി ആയാസ് ഖാനെ ദുഷ്കരമായ ദൗത്യങ്ങളിൽ പരീക്ഷിച്ചു.തെക്കൻ അതിർത്തിയിൽ നിന്ന് മറാത്താ സേനയെ തുരത്താൻ ആവശ്യപ്പെട്ടു.ഖാൻ ചെന്നു;മറാത്താ സേനാധിപൻ ദാവെ പിന്മാറാൻ തുടങ്ങിയപ്പോൾ അയാൾക്ക് ഒരു ലക്ഷം രൂപ കൊടുക്കാൻ ഹൈദരാലി നിർദേശിച്ചു.പണം ടിപ്പുവിൻറെ പക്കൽ കൊടുത്തയച്ചു.ഏതാനും ദിവസം കാത്ത ശേഷം,പ്രാദേശികമായി പണം പിരിച്ച് കൊടുത്തു.ടിപ്പു പക തീർക്കുകയായിരുന്നു.ഹൈദർ,ഖാനെ  നൈസാമിനടുത്തേക്ക് അയച്ചു.അതും വിജയിച്ചു.അല്ലെങ്കിൽ അവർ ബ്രിട്ടീഷ് സേനയ്‌ക്കൊപ്പമോ ഹൈദരാബാദ് നൈസാമിനൊപ്പമോ ചേരാനിടയുണ്ടെന്ന് ഹൈദർ പറഞ്ഞു.ഡെക്കാനിലെ മുസ്ലിം ഭരണാധികാരികൾ തങ്ങൾ മാത്രമായതിനാൽ,നൈസാമുമായി ഒരു പോര് ഹൈദർ ആഗ്രഹിച്ചില്ല.അർദ്ധ ഹിന്ദുവായ ഹൈദറിനെ നൈസാം സംശയിച്ചിരുന്നു.ഹൈദറിനെതിരായ സംയുക്ത നീക്കത്തിൽ നിന്ന് നൈസാം പിന്മാറിയത് കേണൽ സ്മിത്തിനെ അമ്പരിപ്പിച്ചു.ഖാൻ ദൗത്യങ്ങളിൽ ജയിച്ചപ്പോൾ അയാളെ ചിത്രദുർഗയിൽ ഗവർണറാക്കി.കന്നടയോ ഹിന്ദിയോ എഴുതാനും വായിക്കാനും അറിയില്ല എന്ന കാരണത്താൽ ഖാൻ നിരസിച്ചു."വലതു കൈയിൽ ഒരു ചാട്ട കരുതുക;അത് മഷിയും പേനയും ചെയ്യാത്തതൊക്കെ ചെയ്തോളും",ഹൈദർ പറഞ്ഞു.

ഹൈദരാലി

ചിത്രദുർഗയിൽ 1779 മുതൽ ഖാൻ മൂന്നു വർഷം ഗവർണറായിരുന്നു.അത് കഴിഞ്ഞ് ബേദനുർക്ക് മാറി.മൈസൂരിലെ സമ്പന്ന പ്രവിശ്യയായിരുന്നു,ചിത്രദുർഗ;ശ്രീരംഗ പട്ടണം കഴിഞ്ഞാൽ രണ്ടാമത്തെ വലിയ കോട്ടയും.അത് തന്ത്ര പ്രധാനമായിരുന്നു -നൈസാമിനെയും മറാത്താ സേനയെയും അവിടന്നാണ് കൈകാര്യം ചെയ്യേണ്ടിയിരുന്നത്.

ചിത്രദുർഗയിൽ സമാധാനം പുലർന്നപ്പോൾ ഖാൻ മാധവിയെ ഓർത്തു എന്നാണ് നോവലിൽ.ആദ്യം കണ്ട ശേഷം 20 കൊല്ലം കഴിഞ്ഞിരുന്നു.ഹൈദരാലിയോട് അനുവാദം വാങ്ങി,ബംഗളുരു വഴി അയാൾ കണ്ണൂരിൽ കല്യാട്ട് എത്തി,മുസ്ലിം ആയതിനാൽ വീട്ടിൽ കയറാതെ,ഔട്ട് ഹൗസിൽ പാർത്തു.മാധവിയെ കല്യാട്ട് നിന്ന് മൂന്ന് മൈൽ ദൂരെ ഇരിക്കൂർ പള്ളിയിൽ മതം മാറ്റി.ആമിനാ ബീഗം.ചിത്രദുർഗ ഗവർണറായപ്പോൾ 66 വയസുണ്ടായിരുന്നതിനാൽ,ഇത് ചരിത്ര സത്യം ആകണം എന്നില്ല.20 വർഷം പോരാ,45 വർഷം കഴിഞ്ഞു കാണും !

മതം മാറ്റത്തിൻറെ അന്തരീക്ഷം സംഭവങ്ങളിൽ വന്നു നിറയുന്നു -ഹൈദറും ടിപ്പുവും നിർബന്ധിത മതം മാറ്റത്തിന് നില കൊണ്ടതിനാൽ.ഞാൻ എന്തിന് നോവലിനെ ആശ്രയിക്കുന്നു എന്ന് ചോദിച്ചാൽ,മാർക്സിസ്റ്റ് ചരിത്രകാരി റോമില്ല ഥാപ്പറിന് മഹാഭാരതത്തിൽ വേര് ചികയാമെങ്കിൽ,എനിക്ക് നോവലിലും ആകാം.

ഉത്തര മലബാർ ഇക്കേരി രാജാവ് ഭരിച്ചത് 1732 -1740 ലാണ്.1757 ആയപ്പോൾ തെക്കേ മലബാറിൽ പാലക്കാട് ഉൾപ്പെടെ ചില പ്രദേശങ്ങൾ കയ്യടക്കിയിരുന്നു.തരൂർ സ്വരൂപത്തിൽ പെട്ട പാലക്കാട് രാജാവ് കോമ്പി അച്ച ൻ ,ദിണ്ടിഗൽ ഫൗജിദാർ ആയ ഹൈദരാലിയെ വിളിച്ചു വരുത്തുകയായിരുന്നു.സാമൂതിരിയുടെ ശത്രുവായിരുന്നു,അച്ചൻ.അന്ന് ഉത്തര മലബാർ കീഴടക്കാൻ അലി രാജ നൽകിയ ക്ഷണം,ഹൈദരാലി നിരസിച്ചു.ഹൈദരാലി അധിനിവേശം നടത്തിയപ്പോൾ,അലി രാജ കോലത്തിരി കൊട്ടാരം കത്തിച്ചു.1763 ൽ ബേദനൂർ പിടിച്ച ഹൈദരാലി ശ്രീനിവാസ റാവുവിനെ ഗവർണറും സർദാർ ഖാനെ ഡെപ്യൂട്ടി ഗവർണറുമാക്കി.

സാമൂതിരിക്കെതിരെ യുദ്ധം പ്രഖ്യാപിക്കണമെന്ന് കോമ്പി അച്ചൻ ഹൈദരോട് ആവശ്യപ്പെട്ടിരുന്നു.12 ലക്ഷം യുദ്ധച്ചെലവ് കൊടുത്ത് പാലക്കാടിൽ നിന്ന് പിടിച്ച പ്രദേശങ്ങൾ ഏറ്റെടുക്കാൻ സാമൂതിരി തയ്യാറായി.സാമൂതിരി വാക്ക് പാലിക്കാത്തതിനാൽ ആയിരുന്നു 1766 ൽ ഹൈദറുടെ രണ്ടാം വരവ്.സാമൂതിരി മതാനുഷ്ഠാനങ്ങൾ നടത്താനാകാതെ സ്വന്തം കൊട്ടാരത്തിൽ ബന്ദിയായി.മാനാഞ്ചിറ കൊട്ടാരത്തിലെ ആയുധപ്പുരയ്ക്ക് സാമൂതിരി തീയിട്ട് സാമൂതിരി ആത്മാഹുതി ചെയ്തു.കുടുംബത്തെ പൊന്നാനിക്ക് അയച്ചിരുന്നു.

മൈസൂർ സേന 1773 ൽ വീണ്ടുമെത്തി.1775 ൽ സർദാർ ഖാനെ തിരുവിതാകൂർ പിടിക്കാൻ ഹൈദർ അയച്ചു.തൃശൂർ കോട്ടയം വടക്കൻ കൊച്ചിയും പിടിച്ചു.അലിരാജയ്ക്ക് നഷ്ട പരിഹാരം നൽകാനാകാതെ വന്നപ്പോൾ,സ്വന്തം രാജ്യം ഇളംകുറിന് അടിയറ വച്ചു.1777 ൽ അമേരിക്ക ഫ്രഞ്ച് സഹായത്തോടെ ബ്രിട്ടീഷ് നുകത്തിൽ നിന്ന് സ്വതന്ത്രമായി.ആംഗ്ലോ -ഫ്രഞ്ച് യുദ്ധം പൊട്ടിപ്പുറപ്പെട്ടു.മാഹി തുറമുഖം ബ്രിട്ടൻ പിടിക്കുമെന്ന നിലയുണ്ടായി.ഈ തുറമുഖം വഴി ഫ്രഞ്ച് പീരങ്കികൾ ഇറക്കുമതി ചെയ്തിരുന്ന ഹൈദർ,ഒരു സേനയെ മാഹി തുറമുഖത്ത് തയ്യാറാക്കി നിർത്തി.വടക്കിളംകൂർ 1500 പേർ അടങ്ങുന്ന നായർ പട്ടാളത്തെ അയച്ചു.ബ്രിട്ടൻ 1778 ൽ ഹൈദറിനെതിരെ യുദ്ധം പ്രഖ്യാപിച്ചു.

മലബാറിലെ ബ്രിട്ടിഷ് -മുസ്ലിം പോരിന്റെ വേരുകൾ ഇവിടെയാണ്.ഖിലാഫത്തിൽ അല്ല.

മുംബൈയിൽ നിന്ന് ബേദനൂർ കോട്ട പിടിക്കാൻ ജനറൽ റിച്ചാഡ്മാത്യൂസിൻറെ സേനയെത്തി.ഈ ഘട്ടത്തിലാണ്,ആയാസ് ഖാനെ ചിത്രദുർഗയിൽ നിന്ന് ബേദനുർക്ക് മാറ്റിയത്.പ്രതിസന്ധിയിൽ വലംകൈയാണ് ഖാൻ എന്ന് ഹൈദർ പറഞ്ഞിരുന്നു.Kingdom of Hyderali and Tipu Sultan എന്ന പുസ്തകത്തിൽ,ഖാൻ ഹൈദറുടെ ദത്തു പുത്രൻ ആയിരുന്നുവെന്ന് ഉർദു ചരിത്രകാരൻ മഹ്‌മൂദ് ഖാൻ മഹ്‌മൂദ് എഴുതുന്നു.മാത്യൂസ് എത്തും മുൻപ്,കൊടക്,ബെല്ലട്ട കലാപങ്ങൾ ഖാൻ അമർച്ച ചെയ്തു.ഖാൻ ബേദനൂരിൽ എത്തുമ്പോൾ,കോട്ടയ്ക്കു കിഴക്ക് ദൊഡ്ഡപ്പ തടവിലായിരുന്നു.ആ പഴയ രാജ ശത്രുവിനെ കൊട്ടാരത്തിലേക്ക് വിളിച്ച്,നന്നായി ശകാരിച്ച്,ശ്രീരംഗപട്ടണം കോട്ടയിലേക്ക് തടവുകാരനായി അയച്ചു.ബേദനൂരിന്റെ പേര് ഹൈദർ നഗര എന്നാക്കി.

ചിത്രദുർഗ കോട്ട 

ടിപ്പു പൊന്നാനിയിൽ കേണൽ തോമസ് മക്കെൻസി ഹംബർസ്റ്റോണിൻറെ സേനയുമായി പോരാടുമ്പോഴാണ്,1782 ഡിസംബർ 12 ന്ഹൈദരാലി ആന്ധ്രയിലെ ചിറ്റൂരിൽ മരിച്ചത്.ആയാസ് ഖാൻ അധികാരം പിടിക്കുമെന്ന് ഭയന്ന് ടിപ്പു ശ്രീരംഗപട്ടണത്തേക്ക് കുതിച്ചു.ഖാൻ വിവരം അറിഞ്ഞിരുന്നില്ല.ടിപ്പു രാജാവായി ആദ്യം ചെയ്തത്,ബേദനൂർ കോട്ടയിലെ ഉപ സൈന്യാധിപൻ ഷെയ്ഖ് ഇബ്രാഹിം ഖാൻറെ അടുത്തേക്ക് കത്തുമായി ദൂതനെ അയയ്ക്കുക എന്നതായിരുന്നു.ദൂതൻ എത്തിയപ്പോൾ,ആയാസ് ഖാനും ഇബ്രാഹിമും ഒന്നിച്ചായിരുന്നു.കത്ത് ആയാസ് ഖാന് കിട്ടി.ആയാസ് ഖാനെ കൊന്ന് ഗവർണർ ആകാൻ,ഇബ്രാഹിമിനോട് ആവശ്യപ്പെടുന്നതായിരുന്നു,കത്ത്.മതം മാറിയ ഹിന്ദുവായിരുന്നു ഇബ്രാഹിമും.ഇപ്പോൾ ഒരു താൽപര്യ സംഘർഷം ഉണ്ടായി എന്ന് വ്യക്തമാക്കി,ആയാസ് ഖാൻ ഇബ്രാഹിമിനെ കുത്തിക്കൊന്നു.

ഡെപ്യൂട്ടി ഗവർണർ രഘുനാഥ് പന്തിനെ വിളിച്ച് തൻറെ പദ്ധതി ഖാൻ വെളിവാക്കി.ഖാൻ ടിപ്പുവിനെ നീക്കി സുൽത്താൻ ആകണമെന്ന് അനുകൂലികൾ ആഗ്രഹിച്ചെങ്കിലും,ഖാൻ ബേദനൂർ മാത്യൂസിന് വിട്ടു കൊടുത്തു.യാത്രികനായെത്തി കപ്പൽച്ചേതത്തിൽ ഹൈദറുടെ തടവിലായ ഡൊണാൾഡ് കാംപ്ബെൽ അതിന് ഖാനെ ഉപദേശിച്ചു.കാംപ്ബെലിനെ മോചിപ്പിച്ചു ഖാൻ മാത്യൂസുമായി മധ്യസ്ഥതയ്ക്ക് അയയ്ക്കുകയായിരുന്നു.മാത്യൂസ് ഖാൻറെ കൊട്ടാരത്തിലെത്തി വ്യവസ്ഥകൾ തയ്യാറാക്കി.

അന്ന് രാത്രി തനിക്ക് പ്രിയപ്പെട്ട ഫിറോസ് എന്ന കുതിരപ്പുറത്ത് ഖാൻ 50 ബ്രിട്ടീഷ് കുതിരപ്പടയാളികളുടെ അകമ്പടിയോടെ ബ്രിട്ടീഷ് ക്യാമ്പിലെത്തി.കപ്പലിൽ തന്നെയും ബന്ധുക്കളെയും കുതിരയെയും തലശ്ശേരിയിൽ എത്തിക്കണമെന്ന ഖാൻറെ അപേക്ഷ മാത്യൂസ് സ്വീകരിച്ചു.അടുത്ത രാവിലെ കോട്ടയിലെത്തി ഖാൻ ഖജനാവ് തുറന്നു.അതിൽ ഉണ്ടായിരുന്ന മൂന്ന് ലക്ഷത്തിൽ പകുതി ഖാൻ എടുത്ത് മറ്റേ പകുതി രഘുനാഥ് പന്തിനും സൈനികർക്കും വീതിച്ചതായി കേൾവിയുണ്ട്.മൂന്നാം നാൾ തലശ്ശേരിയിൽ എത്തിയ ഖാൻ മാവിലാൻ കുന്നിൽ താമസിച്ചു.രൈരു നമ്പ്യാർക്ക് മരണക്കിടക്കയിൽ നൽകിയ വാക്ക് പാലിച്ച് ഖാൻ ഒരു ശിവക്ഷേത്രം പണിതു;ഒരു നമ്പൂതിരിക്ക് ഭൂമി ദാനം ചെയ്തു.ഇത് ഭാവനയാകാം.ഏത് ക്ഷേത്രം എന്ന് അറിവില്ല.

ക്ഷേത്രം പണിയുന്നത് ഒരു മുസ്ലിമിൻറെ പണിയല്ല,പൊളിക്കലാണ് ശീലം എന്നതിനാൽ,ഖാൻ കമ്മുവായി ഘർ വാപസി സംഭവിച്ചെങ്കിലേ സംഗതി ശരിയാകൂ.

ബേദനൂർ മിർ ജാൻ കോട്ട 

കമ്മുവിനും മാധവിക്കും ഏറെ നാൾ അവിടെ തുടരാൻ കഴിഞ്ഞില്ല.1784 ലെ ശിശിരത്തിൽ കുളത്തിലിറങ്ങി മുങ്ങിക്കുളിച്ച മാധവിക്ക് പനി വന്നു.പതിനൊന്നാം നാൾ മരണം.ടിപ്പുവിൻറെ മലബാർ പടയോട്ടം അവസാനിപ്പിച്ച മംഗലാപുരം ഉടമ്പടി ബ്രിട്ടീഷുകാരുമായി ഒപ്പു വച്ച വർഷം.ഉടമ്പടിയുടെ ഭാഗമായി,ഖാനെ യുദ്ധത്തടവുകാരനായി ഖാനെ വിട്ടുകൊടുക്കാൻ ടിപ്പു ആവശ്യപ്പെട്ടു .ബ്രിട്ടീഷുകാർ നിരസിച്ചു.
കൂത്തുപറമ്പിൽ സബ് രജിസ്‌ട്രാർ ആയിരുന്ന ഒതേനൻ മേനോൻറെ അപ്രകാശിത ഇംഗ്ലീഷ് രചന ആധാരമാക്കിയാണ്,നോവൽ.അദ്ദേഹം ചാലാട് വെള്ളുവ വീട്ടിൽ കുറേക്കാലം താമസിച്ചിരുന്നു.

ഖാന് സ്വത്ത് തിരിച്ചു കിട്ടിയെന്നും അദ്ദേഹം സന്യാസി ആയെന്നും നോവലിൽ പറയുന്നു.ടിപ്പുവിൻറെ വേട്ട ഭയന്ന് ബ്രിട്ടീഷുകാരോട് മുംബൈയിൽ പാർക്കാൻ അനുമതി ചോദിച്ചു.ടിപ്പു രഹസ്യ വധം ആസൂത്രണം ചെയ്തപ്പോൾ കമ്മു മുംബൈയിൽ മരിച്ചു എന്നത് ചരിത്രമാണ്.സന്യാസി ആയില്ല.

തന്നെ ഒരു ഹിന്ദു നായർ ഒറ്റിയത് ടിപ്പു സഹിച്ചില്ല.അയാൾ ആ സമുദായത്തെ വെറുത്തു."കോട്ടയത്തു ( വയനാട് ) നിന്ന് നായന്മാരെ പാലക്കാട്ടേക്ക് ആട്ടിപ്പായിക്കാൻ " ടിപ്പു സേനാധിപൻ എം ലാലിയോടും മിർ അസ്‌റാലി ഖാനോടും ഉത്തരവിട്ടു.Order of Extermination of Nairs അഥവാ നായർ ഉന്മൂലന ഉത്തരവ് എന്ന് ഇത് ചരിത്രത്തിലുണ്ട്.1786 -1789 ൽ നായന്മാരെ ശ്രീരംഗ പട്ടണത്തിൽ കൊണ്ട് പോയി പീഡിപ്പിച്ച് നിർബന്ധിതമായി മതം മാറ്റി.വിസമ്മതിച്ചവരെ കൊന്നു -വംശഹത്യ.

സർദാർ കെ എം പണിക്കർ,1788 മാർച്ച് 22 ന് ടിപ്പു എഴുതിയ കത്ത് ലണ്ടനിലെ ഇന്ത്യ ലൈബ്രറിയിൽ കണ്ടെത്തി.അതിൽ ഇങ്ങനെ അവകാശപ്പെട്ടു:"12000 ഹിന്ദുക്കളെ ഇസ്ലാമാക്കി ആദരിച്ചു".

1788 ഡിസംബർ 12 ന് കോഴിക്കോട്ടെ സേനാധിപൻ ഹുസൈൻ അലി ഖാന ടിപ്പു ഉത്തരവ് നൽകി:"ഹിന്ദുക്കളെ മുഴുവൻ പിടികൂടി കൊല്ലുക.20 ൽ താഴെ പ്രായമുള്ളവരെ തടവിലിടുക.ബാക്കിയിൽ നിന്ന് 5000 പേരെ കൊന്ന് മരങ്ങളിൽ കെട്ടിത്തൂക്കുക".

ഹൈദരാലിയുടെ,ടിപ്പുവിൻറെ മതഭ്രാന്തിൻറെ തുടർച്ചയാണ്,മാപ്പിള ലഹള.

ഹംബർസ്റ്റോൺ പോർട്രെയ്റ്റ് / ജെയിംസ് ഗിൽറെ ,1780 

ഹൈദർ കമ്മുവിനെ ബാലനായിരിക്കെ എടുത്തു വളർത്തിയതിന് സാധ്യതയില്ല.1755 ൽ ഇക്കേരി പടയോട്ടക്കാലത്തോ 1757 ൽ ഹൈദറിൻറെ മലബാർ പടയോട്ടക്കാലത്തോ ആയിരിക്കാം അവർ തമ്മിൽ കണ്ടിട്ടുണ്ടാവുക.അന്ന് കമ്മുവിന് 42 -44 വയസ്.കോലത്തിരിയിൽ നിന്ന് കമ്മു ഹൈദറിലേക്ക് കൂറ് മാറിയതാകാം;നിർബന്ധിത മതം മാറ്റമാകാം.1766 ൽ ഹൈദർ പിടികൂടിയ 15000 നായന്മാരെ ബേദനുർക്ക് കൊണ്ട് പോയി.ഗസറ്റിയർ അനുസരിച്ച് അതിൽ 200 പേരെ ശേഷിച്ചുള്ളൂ.ശേഷിച്ചവരിൽ ഒരാൾ ആയിരിക്കാം,കമ്മു.തുടക്കം മുതൽ ടിപ്പു ഖാനെ വെറുത്തിരിക്കണം എന്നില്ല.ബേദനൂർ വിട്ടു കൊടുത്ത ശേഷമാകാം.കമ്മു ദത്തു പുത്രൻ എങ്കിൽ അധികാര തർക്കം പേടിച്ചിരിക്കാം.മാധവിയെ മുൻപേ വിവാഹം ചെയ്ത കമ്മു അവരെ പിന്നീട് മതം മാറ്റിയിരിക്കാം.

ഉർദു ചരിത്രകാരൻ മഹ്‌മൂദ് ഖാൻ മഹ്‌മൂദ് പറയുന്നത്,ഹൈദർ ബേദനൂർ പിടിക്കുന്ന കാലത്ത് ( 1763 ) കോലത്തിരിയുടെ മകൾ അലി എന്ന ധനിക മുസ്ലിമുമായി പ്രണയത്തിലാവുകയും നായന്മാരെ ധിക്കരിച്ച് രാജാവ് അലിയെ അവൾക്ക് വിവാഹം ചെയ്തു കൊടുക്കുകയും ചെയ്തു എന്നാണ്.അലിയെ പിൻഗാമിയാക്കിയപ്പോൾ നായർ കലാപമുണ്ടായി.ഇതിന് തെളിവില്ല.അറയ്ക്കൽ രാജവംശത്തിൻറെ ആരംഭ കഥ വളച്ചൊടിച്ചതാകാം.വിവാഹം കാരണമല്ലാതെ ഒരു കലാപം ഉണ്ടായിട്ടുണ്ട് -ചേരമാൻ പെരുമാളിന്റെ അനന്തരവൻ മഹാബലി കോലത്തിരി രാജകുമാരിയെ വിവാഹം ചെയ്ത കഥയുണ്ട്.മഹാബലി,മുഹമ്മദ് അലിയായി.

കമ്മു ഹൈദറിനെതിരെ നായർ കലാപം നടത്തി പിടിയിൽ ആയതിനാണ് സാധ്യത കൂടുതൽ.

മുംബൈ മസഗോണിൽ ആയാസ് ഖാന് 20 ഏക്കർ തോട്ടവും ബംഗ്ലാവും കൊടുത്തെന്നാണ് 1927 ൽ ഇറങ്ങിയ നോവലിൽ.പകരം ഓല മേഞ്ഞ മൂന്നു മുറി വീട് ഖാൻ സ്വീകരിച്ച്,ബംഗ്ലാവിൽ അനാഥാലയം നടത്തി.തോട്ടം പാട്ടത്തിന് കൊടുത്ത് പാട്ട സംഖ്യ അനാഥാലയം നടത്താൻ ഉപയോഗിച്ചു.

ഇത് ശരിയല്ല.ഖാൻ അനാഥാലയം നടത്തിയില്ല.ഒരു അനാഥാലയത്തിലെ അന്തേവാസി ആയിരുന്നു.അദ്ദേഹത്തിൻറെ വിധവകളും കുട്ടികളും ചരിത്രത്തിലുണ്ട്.ആമിന എന്ന മാധവിക്ക് മക്കൾ ഉണ്ടായിരുന്നില്ല,നോവലിൽ.ആമിനയ്ക്ക് മുൻപും പിൻപും ഖാന് വേറെ ഭാര്യമാരും മക്കളും ഉണ്ടായിരുന്നു.

പൈതൃക സ്വത്തിന് 1792 ൽ ഖാൻ അവകാശം ഉന്നയിച്ചെങ്കിലും,ബ്രിട്ടൻ അത് കൊടുത്തില്ല.അവകാശവാദം തട്ടിപ്പാണെന്ന് കണ്ട് തള്ളി.മുംബൈയിൽ താമസമായപ്പോൾ,4000 രൂപ പെൻഷൻ അനുവദിച്ചു.ഖാൻറെ പ്രായപൂർത്തിയാകാത്ത മകൻ ഫയാസ് അലി ഖാൻ ചരിത്രത്തിലുണ്ട്.ബാപ്പയുടെ പെൻഷൻ തനിക്ക് കിട്ടാൻ മുംബൈയിലും ലണ്ടനിലും നിയമ പോരാട്ടം നടത്തി.ലണ്ടനിലേക്കുള്ള യാത്ര ഉൾപ്പെടെ ഫയാസിന്റെ സകല നീക്കവും ബ്രിട്ടീഷുകാർ തടഞ്ഞു.ഫയാസിന്റെ വക്കീൽ മുഹിയലുദീൻ ലണ്ടനിൽ പോയി പോരാടിയത് വൻ കടബാധ്യതയായി.കേസ് രേഖകൾ ബംഗാൾ ഉൾക്കടലിൽ കപ്പൽ മുങ്ങിയപ്പോൾ നഷ്ടപ്പെട്ടു.പിന്നെ ഒന്നും വാദിക്കാൻ ഉണ്ടായിരുന്നില്ല.അധികാരം കണ്ണീർക്കടലിൽ മുങ്ങി.

നോവൽ മാപ്പിള ലഹളയ്ക്ക് തൊട്ടു പിന്നാലെ വന്നതിനാൽ,അതിൽ മൂടിവച്ച രാഷ്ട്രീയം ഞാൻ കാണുന്നു -മലയാളത്തിലെ ആദ്യ രാഷ്ട്രീയ നോവൽ.ഇത് വായിച്ചാണ് ഞാൻ മാപ്പിള ലഹളയുടെ രാഷ്ട്രീയത്തിലേക്ക് പോയത്.ഇത്,ചരിത്രകാരന് കിട്ടാത്ത ഗുണമാണ്.

ഹൈദരാലിയും ടിപ്പുവും കാട്ടിയ ക്രൂരതകൾക്ക് അന്ന് തിരിച്ചടിക്കാൻ ഹിന്ദുക്കൾക്ക് ബ്രിട്ടീഷ് തുണ വേണ്ടിയിരുന്നു.
-----------------------------------------
Reference:
1.Velluvakkammaran/C Kunjirama Menon(he was known as MRKC-Chengalath Kunjirama Menon,in the reverse order.He was Editor,Kerala Pathrika,and Manager,Mangalodayam.
2.Malabar Manual/William Logan
3.Historical Sketches of South India/Mark Wilks
4.A Narrative of the Extra Ordinary Adventure/Donald Campbell
5.Counter flows to Colonialism/M H Fisher
6.Kingdom of Hyderali and Tipu Sultan/Mahmood Khan Mahmood.Trans:Anwar Haroon
7.History of Tipu Sultan/Mohibbul Hasan
8.Tipu Sultan:Villain or Hero?/Sitaram Goel
9.Religious Intolerance of Tipu Sultan/PCN Raja
10.Haidar Ali and Tipu sultan/Lewin Bentham Bowring 
11.Tellicherry Factory Diary Volume XVIII
12.Tellicherry Consultations,Vol VIII,1933. 
13.The Dutch Power in Kerala/M O Koshy


See https://hamletram.blogspot.com/2019/11/blog-post_5.html